7:33  33  CUM  ANTIDOTO.  34  loquutus  est  per  filium  suum  dilectum  (Hebr.  1,  1).  Doctrinae  vero  Christi  qualis  fuerit  exspectatio  in  populo  israelitico,  ostendit  vox  mulieris  samaritanae:  Messias,  quum  venerit,  annunciabit  nobis  omnia  (Ioann.  4,  25).  In  hac  ergo  doctrina  standum  est,  in  qua  scimus  perfectum  coelestis  sapientiae  complementum  inclusum  esse.  Bene  ergo  Augustinus,  *)  qui  iudicat,  non  esse  necessarium  ad  salutem,  quidquid  proditum  scripturis  non  est.  Quia  si  cognitu  fuisset  necessarium,  Deus  non  omisisset.  Insignis  etiam  est  sententia  Chrysostomi,2)  ubi  dicit:  Sicut  Christus  non  a  se  ipso  loqui  se  testatus  est:  quia  ex  lege  loquebatur  et  prophetis,  ita  si  quid  praeter  evangelium,  sub  titulo  spiritus  obtrudatur,  ne  credamus.  Quia  ut  Christus  legis  et  prophetarum  impletio  est,  ita  spiritus  evangelii.  In  summa,  quum  certa  fidei  veritas  non  nisi  ab  uno  Deo  peti  debeat,  constituimus,  rectam  fidem  in  solis  scripturis  fundatam  esse,  quae  ab  ipso  prodierunt:  quum  illic  non  dimidia  ex  parte,  sed  ad  plenum  docere  nos  voluerit,  quidquid  scire  nos  volebat,  et  utile  esse  noverat.  ARTICULUS  XXI.  De  iure  excommunicationis.  Eodem  veritatis  firmamento  recipiendum,  potestatem  excommunicandi  esse  de  iure  divino  immediate  a  Christo  ecclesiae  concessam,  et  ob  id  magnopere  timendas  esse  censuras  ecclesiasticas.  Multae  sunt  scrupulosae  quaestiones  inter  doctores.  Utrum  ad  exercendam  excommunicandi  potestatem  requiratur  clavis  scientiae  et  discretionis.  Sed  tu  dicas  expresse:  posito  quod  ecclesia  non  potest  errare,  hanc  potestatem  esse  plenariam.  Sicut  etiam  videtur  fuisse  intentio  magistrorum  nostrorum,  qui  loquuntur  absque  distinctione.  Si  autem  quaeratur  utrum  is  qui  excommunicatus  est  per  iniuriam,  sit  excommunicatus  potestate  Christi,  dicas  quod  satis  est  eius  nomine.3)  ANTIDOTUM.  Quemadmodum  ecclesiae  commissa  est  excommunicandi  potestas,  ita  etiam  rite  utendi  praefixa  est  ratio.  Primum,  ne  iudicet,  nisi  ex  ore  Domini:  deinde,  ut  aedificationi  studeat,  non  destructioni  1)  Libr.  2.  de  peccatorum  meritis  et  remiss,  cap.  ult.  2)  De  sanct,  et  ador.  spiritu.  3)  Gallus  addit:  car  encore  qu'il  se  sente  innocent,  quant  au  faict  precedent,  si  est-ce  que  s'il  ne  s'humilie  et  ne  se  rend  coulpable,  pour  la  reverence  de  nostre  mere  saincte  Eglise,  desia  par  sa  contumace  et  par  son  orgueil  il  encourt  peche  mortel:  et  ainsi  la  disputation  en  est  superflue.  Calvini  opera.  Vol.  VIL