58:33  33  DE  IACOB  ET  ESAU.  mesme  ils  sont  getneaux,  leur  mere  les  porte  d'une  ventree:  tant  y  a  que  l'un  est  deboute,  et  l'autre  est  receu:  l'un  est  esleu,  et  l'autre  est  reprouve.  Ainsi  donc  nous  voions  que  ceux  qui  ont  lieu  pour  un  temps  en  l'Eglise,  et  qui  ont  le  titre  de  fideles  et  enfans  de  Dieu,  peuvent  bien  avoir  telle  reputation  devant  les  hommes  :  mais  ils  ne  sont  pas  escrits  au  livre  de  vie,  Dieu  ne  les  recognoist  pas  ni  avoue  pour  siens.  Par  cela  nous  sommes  admonnestez  de  ne  point  nous  enorgueillir,  ni  estre  enyvrez  d'une  fole  presomption,  quand  Dieu  nous  aura  fait  la  grace  de  nous  introduire  en  son  Eglise:  mais  cheminons  en  purete,  et  avisons  de  ratifier  nostre  election,  et  d'en  avoir  le  tesmoignage  en  nos  coeurs  par  le  saint  Esprit,  et  ne  point  nous  confier  seulement  a  l'apparence  et  au  titre  exterieur,  que  nous  pourrions  pretendre  devant  le  monde.  Voila  ce  que  nous  avons  a  observer.  Et  au-reste,  nous  sommes  enseignez  d'une  chose  plus  grande:  c'est  en  premier  lieu,  Combien  que  Dieu  eust  establi  son  aliance  avec  Abraham,  toutesfois  il  a  voulu  monstrer  que  ce  n'estoit  pas  le  tout  d'avoir  offert  sa  grace:  mais  qu'il  faloit  que  il  choisit,  selon  sa  liberte,  ceux  que  bon  luy  sembleroit,  et  que  le  reste  demeurast  (Rom.  9,  10).  Et  pour-tant,  saint  Paul  allegue  ce  passage,  pour  l'appliquer  a  l'election  secrette  de  Dieu,  par  laquelle,  avant  la  creation  du  monde,  il  a  choisi  ceux  que  bon  lui  a  semble.  Or  c'est  une  matiere  haute  et  profonde  :  mais  quand  elle  sera  deduite,  chacun  en  pourra  faire  son  profit  moyennant  que  nous  y  soyons  attentifs.  Et  au  reste,  que  nous  recevions  ce  qui  nous  est  monstre  en  l'Escriture,  avec  sobriete,  que  nous  n'appetions  point  d'estre  plus  sages  qu'il  ne  nous  est  licite  :  mais  que  nous  acquiescions  a  ce  que  Dieu  nous  dira:  et  puis  que  nous  soyons  humbles,  pour  ne  point  repliquer,  et  ne  point  amener  nos  fantasies  en  avant,  comme  si  nous  voulions  plaider  contre  Dieu:  mais  qu'en  cognoissant  que  ses  iugemens  sont  un  abysme  profond,  que  nous  n'enquerions  pas  plus  qu'il  ne  nous  permet.  Or  cependant  il  nous  faut  traiter  les  choses  tellement,  que  ce  qui  semble  estre  obscur  de  prime  face,  nous  soit  rendu  facile.  Nous  avons  desia  veu  que  Dieu  avoit  choisi  la  semence  d'Abraham.  Or  si  on  demande  pourquoy,  ou  qui  Pa  induit  a  cela:  on  ne  trouvera  pas  qu'Abraham  fust  plus  digne  que  les  autres:  comme  desia  nous  avons  traite  cest  argument  assez  au  long.  Voila  donc  un  privilege  qui  est  donne  a  une  certaine  famille,  ne  procedant  point  d'aucun  merite,  ne  que  Dieu  ait  trouve  en  leurs  personnes  pourquoi  il  les  doive  preferer:  car  ils  ne  sont  point  meilleurs,  ne  plus  excellens  :  mais  il  lui  plaist  ainsi.  Or  il  est  vrai  que  cela  nous  seroit  dur  a  digerer,  si  nous  voulions  apporter  nostre  opinion:  comme  il  y  a  beaucoup  de  fantastiques  qui  ne  peuvent  recevoir  ceste  doctrine:  car  il  leur  semble  bien  qu'ils  ont  pour  repliquer  a  Calvini  opera.  Voi.  LVIII.