56:33  33  GENESE.  a  aussi  enfante  des  enfans  a  Nachor  ton  frere:  21.  Assavoir  TJz  son  premier  ne,  et  Buz  son  frere,  et  Camuel  pere  d'Aram.  22.  Et  Cased,  et  Hazu,  et  Pheldas,  et  Ielaph,  23.  Et  Bathuel.  Et  Bathuel  a  engendre  Rebeca.  Melca  enfanta  iceux  huit  a  Nachor  frere  d'Abraham.  24.  Et  la  concubine  d'iceluy  nommee  Reuma,  enfanta  aussi,  assavoir  Taba,  Gaham,  Thaas^et  Maaca.  Chapitre  XXIII.  1.  Or  Sara  vesquit  cent  vingt  sept  ans:  c'est  le  temps  de  sa  vie.  2.  Puis  mourut  en  Ciriatharba,  qui  est  Hebron,  en  la  terre  de  Chanaan.  Lors  Abraham  veint  pour  la  plaindre  et  pleurer.  3.  Et  s'estant  leve  de  devant  son  mort,  il  parla  aux  enfans  de  Heth,  disant,  4.  Ie  suis  forain  et  estranger  entre  vous:  donnez  moy  appartenance  de  sepulchre  avec  vous,  afin  que  i'ensevelisse  mon  mort  Vostant  de  devant  moy.  5.  Les  enfans  de  Heth  respondirent  a  Abraham,  en  luy  disant,  6.  Seigneur,  escoute  nous,  Tu  es  entre  nous  un  prince  de  Dieu,  enseveli  ton  mort  en  nos  plus  exquis  sepulchres:  nul  de  nous  ne  te  refusera  son  sepulchre  que  tu  n'y  ensevelisses  ton  mort.  7.  Adonc  Abraham  se  leva,  et  s'enclina  devant  le  peuple  du  pays,  des  Hethiens.  8.  Et  parla  avec  eux,  disant,  S'il  vous  plaist  que  i'ensevelisse  mon  mort  de  devant  moy,  escoutez  moy,  soyez  intercesseurs  pour  moy  envers  Hephron  fils  de  Zoar,  9.  Afin  qu'il  me  donne  la  caverne  double,  qu'il  a  au  bout  de  son  champ  :  qu'il  la  me  baille  a  prix  suffisant  entre  vous  en  possession  de  sepulchre.  10.  Et  Hephron  residoit  au  milieu  des  Hethiens:  Hephron  donc  Hethien  respondit  a  Abraham  (oyans  tous  les  Hethiens,  qui  entroyent  par  la  porte  de  sa  cite)  disant:  ll.  Non,  mon  seigneur,  escoute  moy,  le  te  donne  le  champ  et  la  caverne  qui  est  en  iceluy,  ie  te  le  baille  en  presence  des  fils  de  mon  peuple:  puis  que  ie  te  le  donne  ensevelis-y  ton  mort.  12.  Et  Abraham  s'enclina  devant  le  peuple  du  pays:  13.  Et  parla  a  Hephron,  oyant  tout  le  peuple  du  pays,  disant,  Mais  s'il  te  plaist,  ie  te  prie  escoute  moy,  Ie  bailleray  l'argent  du  champ,  recoy-le  de  moy,  puis  i'enseveliray  mon  mort.  14.  Et  Hephron  respondit  a  Abraham,  en  luy  disant,  15.  Mon  seigneur,  escoute  moy,  La  terre  vaut  quatre  cens  sicles  d'argent:  mais  qu'est-ce  entre  moy  et  toy?  enseveli  donc  ton  mort.  16.  Et  Abraham  obeit  a  Hephron,  et  luy  paya  l'argent  dont  il  avoit  parle  oyans  les  Hethiens,  c'est  assavoir  quatre  cens  sicles  d'argent,  ayant  cours  entre  les  marchans.  17.  Et  le  champ  d'Hephron  qui  estoit  en  la  caverne  double,  regardant  vers  Mamre,  tant  le  champ  que  la  caverne,  et  tous  les  arbres  qui  estoyent  au  champ,  et  en  tous  les  limites  a  l'environ,  18.  Fut  livre  en  possession  a  Abraham,  en  la  presence  de  tous  les  Hethiens,  entrans  Calvini  opera.  Vol.  LVI.