54:33  33  SUR  LA  SECONDE  A  TIMOTHEE.  34  a  constituez  en  estat  plus  eminent,  et  en  degre  plus  haut,  marchent  devant:  et  qu'ils  monstrent  exemple  aux  autres,  et  a  ceux  qui  ne  sont  point  tant  avancez.  Quoy  qu'il  en  soit,  notons  que  les  dons  du  sainct  Esprit  nous  doyvent  enflammer  a  ce  que  nous  cerchions  la  gloire  de  Dieu,  et  que  nous  ayons  un  zele  de  suyvre  ce  qu'il  nous  commande,  que  nous  soyons  ravis  hors  du  monde,  que  la  chair  ne  domine  point  en  nous,  ni  nos  affections  vicieuses,  mais  que  nous  soyons  bruslez  de  ceste  amour  ardente  de  venir  a  nostre  Dieu.  Voila  a  quelle  fin  se  doyvent  rapporter  les  dons  du  sainct  Esprit.  Or  maintenant,  pource  que  de  nostre  nature  nous  sommes  froids,  et  que  Satan  a  beaucoup  de  moyens  subtils  pour  estouffer  la  flamme  qui  devroit  brusler  en  nous,  regardons  de  rallumer,  et  qu'un  chacun  s'efforce  pour  attiser  le  feu.  Et  si  nous  sentons  que  les  dons  de  Dieu  s'amortissent  en  nous  que  nous  mettions  peine  de  les  resveiller,  encores  que  nous  ne  puissions  faire  cela  du  tout.  Voila  pourquoy  Dieu  nous  enioint  a  profiter  plus  abondamment  en  sa  Loy.  Voila  pour  un  item.  Or  au  reste,  sainct  Paul  dit  que  ce  don  estoit  en  Timothee  par  V  imposition  des  mains.  En  quoy  il  signifie  qu'estant  establi  pasteur,  il  avoit  receu  graces  nouvelles  pour  mieux  servir  a  l'Eglise.  Et  c'est  encores  un  poinct  bien  notable.  Car  nous  devons  observer  ce  qu'il  dit  en  l'autre  passage,  selon  que  Dieu  met  les  hommes  en  oeuvre,  qu'il  leur  donne  dequoy  pour  y  fournir.  Exemple,  Quand  des  ministres  seront  appelez  vrayement  de  luy,  il  les  conduira  en  sorte  qu'on  verra  par  effect  qu'ils  n'ont  point  este  introduits  du  coste  des  hommes,  mais  que  Dieu  est  l'autheur  de  leur  vocation.  Beaucoup  se  pourront  vanter  d'estre  en  cest  estat  de  ministre:  et  de  fait  ils  occupent  la  chaire,  qui  appartient  a  ceux  que  Dieu  ordonne:  mais  cependant  on  ne  trouvera  rien  en  eux  qui  soit  digne  de  vrais  ministres  de  Dieu,  que  ce  seront  ou  des  gaudisseurs  et  gens  prophanes,  et  de  vie  dissolue,  ou  gens  ignorans:  brief,  ou  il  n'y  aura  ne  sel  ne  sausse.  C'est  un  certain  signe  que  Dieu  ne  les  advoue  point,  et  que  iamais  n'ont  este  introduits  par  son  authorite.  La  raison?  Comme  i'ay  desia  declare,  Dieu  a  dequoy  pour  rendre  les  hommes  idoines,  quand  il  les  veut  appliquer  a  son  ouvrage.  Or  cependant  i'ay  dit,  que  s'il  se  veut  servir  de  quelqu'un,  il  luy  donnera  ce  qui  est  requis  pour  executer  son  office.  Quand  donc  il  y  aura  des  pasteurs  qui  n'auront  point  este  appelez  par  ambition,  ou  faveur  mondaine,  qu'ils  ne  seront  point  entrez  par  la  senestre,  mais  seront  deuement  appelez  de  Dieu,  on  les  trouvera  quant  et  quand  propres  pour  faire  leur  charge,  et  ne  seront  point  destituez  des  graces  du  sainct  Esprit.  Voila  donc  ce  qu'il  nous  faut  avoir  pour  Calvini  opera.  Vol.  LIV.