52:33  CAPUT  IL  nobis  diffisi,  toti  pendeamus  ab  uno  Deo.  Et  certe  is  vere  profecit  tam  in  gratiae  Dei  cognitione,  quam  suae  infirmitatis,  qui  expergefactus  a  securitate  Dei  opem  sedulo  requirit.  Qui  vero  suarum  virium  fiducia  sunt  elati,  eos  necesse  est  simul  ebrios  esse  securitate.  Quare  impudens  est  calumnia  qua  nos  gravant  papistae,  nempe  quod  extollendo  Dei  gratiam,  et  liberum  arbitrium  deprimendo,  socordes  reddamus  homines,  excutiamus  timorem  Dei,  sollicitudinem  tollamus.  Atqui  vident  lectores  Paulum  hic  non  ex  papistarum  doctrina,  sed  ex  nostra  colligere  materiam  exhortationis.  Deus,  inquit,  omnia  facit  in  vobis:  ergo  cum  timore  vos  illi  subiicite.  Non  equidem  nego  quin  multi,  audientes  nihil  esse  boni  in  nobis,  sibi  in  suis  vitiis  liberius  indulgeant.  Sed  nego  hanc  esse  doctrinae  culpam,  quae  accepta,  ut  decet,  sollicitudinem  in  cordibus  nostris  parit.  Caeterum  abutuntur  hoc  loco  papistae  ad  labefactandam  fidei  certitudinem.  Nam  qui  trepidat,  is  incertus  est.  Sic  ergo  accipiunt  Pauli  verba,  quasi  nos  tota  vita  in  fiducia  salutis  vacillare  oporteat.  Atqui  nisi  Paulum  secum  Velimus  committere,  hic  ad  dubitationem  nequaquum  hortatur:  quandoquidem  ubique  fiduciam  et  izkripoyopiav  commendat.  Sed  facilis  est  solutio,  si  quis  verum  sensum  absque  contentione  quaerit.  Duae  su&t  timoris  species:  una  est  quae  sollicitudinem  cum  humilitate  generat:  altera,  dubitationem.  Prior  opponitur  tam  carnis  securitati  et  ignaviae,  quam  elationi:  altera,  certitudini  fidei.  Deinde  observandum  est,  sicuti  in  Dei  gratia  certo  acquiescunt  fideles,  ita  dum  ad  suam  fragilitatem  referunt  oculos,  minime  securos  dormire,  sed  periculorum  timore  excitari  ad  preces.  Attamen  tantum  abest  ut  timor  hic  tranquillum  conscientiae  statum  perturbet  ac  fiduciam  concutiat,  ut  potius  confirmet.  Facit  enim  nostri  diffidentia  ut  fortius  reclinemus  in  Dei  misericordiam.  Atque  id  sonant  Pauli  verba.  Nihil  enim  a  Philippensibus  requirit,  quam  ut  se  Deo  cum  vera  sui  abnegatione  submittant.  Vestram  salutem  operamini.  Quemadmodum  olim  Pelagiani,  ita  hodie  papistae  locum  hunc  fastuose  iactant  ad  extollendam  hominis  virtutem.  Quin  etiam  dum  illis  obiicitur  superior  sententia,  Deus  est  qui  operatur,  ete.  hoc  quasi  clypeo  protinus  eam  retundunt,  Operamini  salutem  vestram.  Quum  ergo  Deo  et  homini  communiter  tribuatur  opus:  dimidium  singulis  assignant.  Ia  summa,  ex  verbo  operandi,  liberum  arbitrium:  ex  nomine  salutis,  meritum  aeternae  vitae  eliciunt.  Respondeo,  salutem  pro  toto  vocationis  nostrae  cursu  accipi  :  et  hoc  nomine  comprehendi  omnia  quibus  Deus  eam,  ad  quam  nos  gratuita  sua  electione  destinavit,  perfectionem  implet.  Id  nemo  nisi  pervicax  et  impudens  negabit.  Eam  dicimur  perficere,  quum  a  spiritu  sancto  gubernati  ad  beatam  vitam  adspira-  Ccdvini  opera.  Vol.  LII.