51:33  3I  SUR  L'EPITRE  AUX  GALATES.  34  en  leur  presomption,  qu'il  ne  leur  chaut  que  Dieu  soit  provoque  contre  eux:  car  cependant  chacun  se  flatte  et  se  nourrit  en  ses  vices,  et  mesmes  iamais  on  ne  peut  nous  attirer  a  une  vraye  confession  de  nos  fautes  que  par  force:  tt  on  void  comme  nous  y  allons  par  circuits  et  subterfuges:  qui  plus  est,  nous  serons  comme  effrontez  pour  cercher  des  excuses  frivoles,  comme  si  cela  nous  suffisoit  envers  Dieu.  Ce  n'est  point  donc  assez  qu'en  general  nous  oyons  une  sentence  de  condamnation  sur  nous:  mais  il  faut  que  Dieu  descouvre  quelle  est  nostre  turpitudo  pour  nous  faire  honte:  et  puis  qu'il  specifie  et  monstre  au  doigt  les  vices  qu'on  appercoit,  et  qui  sont  tout  notoires  devant  les  hommes.  Et  voila  pourquoy  sainct  Paul  ayant  dit  ce  matin  que  les  hommes  en  toutes  leurs  pensees  et  affections  bataillent  contre  Dieu,  adiouste  ceste  declaration  que  nous  avons  maintenant  ouye,  comme  s'il  produisoit  les  fruicts,  a  fin  que  de  la  on  iugeast  quel  est  l'arbre,  pour  ce  que  la  racine  en  est  cachee,  qui  est  le  principal.  Tout  ainsi  donc  que  l'arbre  est  cognu  par  les  fruicts,  aussi  le  peche  qui  domine  en  nous  et  en  nostre  nature  est  conveincu  par  les  oeuvres  qui  en  sortent.  Nous  voyons  donc  pourquoy  sainct  Paul  adiouste  ici  que  les  oeuvres  de  la  chair  sont  notoires:  comme  s'il  disoit,  que  les  hommes  ferment  les  yeux  a  leur  escient  pour  ne  point  sentir  leur  mal,  et  qu'ils  se  font  accroire  qu'il  n'y  a  que  toute  vertu  en  eux,  encores  qu'ils  crevent  de  vices  enormes  tant  et  plus:  mais  quand  on  aura  bien  plaide,  et  que  chacun  aura  cerche  beaucoup  d'eschappatoires,  qu'on  aura  torche  sa  bouche,  et  qu'on  aura  desguise  les  choses,  si  faut-il  venir  la,  que  nostre  vie  crie  haut  et  clair  quels  nous  sommes.  Les  oeuvres  donc  de  la  chair  sont  toutes  notoires.  Ainsi  cela  suffit  pour  redarguer  ceux  qui  se  veulent  cacher  et  user  de  quelque  fard,  comme  s'ils  n'estoyent  point  coulpables  devant  Dieu.  Vray  est  que  sainct  Paul  ne  fait  pas  ici  un  rolle  tout  entier  des  vices  que  Dieu  condamne  en  sa  Loy:  mais  il  produit  des  exemples  par  lesquels  on  peut  facilement  iuger  de  tout  le  reste:  et  aussi  il  eust  falu  tenir  longue  procedure,  si  sainct  Paul  eust  voulu  faire  un  tel  denombrement:  mais  c'estoit  assez  que  ceux  qui  par  hypocrisie  cuident  gagner,  fussent  ici  conveincus  comme  on  le  void.  Or  pour  mieux  comprendre  <$eci,  nous  avons  a  noter  en  somme  quelle  est  la  reigle  de  cheminer  en  l'obeissance  de  Dieu,  comme  il  en  est  parle  au  second  chapitre  a  Tite.  c.  l  l  .  que  la  grace  de  Dieu  est  apparue  a  fin  que  nous  cheminions  ici  bas  au  monde  en  sainctete,  en  attrempance,  et  en  iustice,  attendans  l'esperance  de  la  vie  qui  nous  est  promise,  et  l'advenement  de  ce  grand  Sauveur  qui  nous  doit  recueillir  a  soy  au  royaume  des  cieux.  Calvini  opera.  Vol.  LL