48:33  CAPUT  II.  34  verum  pauci  tunc  cognitionis  luce  donati  fuerunt,  si  cum  ingenti  fidelium  multitudine  conferantur,  quos  repente  Christus  adventu  suo  collegit.  Deinde,  obscura  et  tenuis  fuit  illorum  cognitio  et  quasi  velo  obtecta,  si  conferatur  cum  ea  quam  hodie  ex  evangelio  habemus:  ubi  Christus,  sol  iustitiae,  pleno  fulgore,  velut  in  meridie  lucet.  Nec  obstat,  quod  pauci  quidam  tanta  fide  excelluerunt,  ut  neminem  forsan  hodie  parem  habeant.  Nam  eorum  intelligentia  nihilominus  paedagogiam  legis  resipiebat.  Est  enim  illud  semper  verum,  pios  reges  et  prophetas  non  vidisse  nec  audisse  quae  Christus  adventu  suo  patefecit.  Ergo  ut  novi  testamenti  praestantiam  commendet  Ioel,  uberiorem  sub  ipso  fore  spiritus  gratiam  denuntiat:  deinde  ad  plures  homines  perventuram.  Et  prophetabunt.  Prophetiae  verbo  rarum  et  singulare  intelligentiae  donum  notare  voluit.  Ac  eodem  spectat,  quae  mox  sequitur,  partitio:  iuvenes  vestri  visiones  videbunt,  et  senes  somniabunt  somnia.  Fuisse  enim  duas  istas  ordinarias  rationes,  quibus  se  Dominus  prophetis  manifestare  solitus  sit,  ex  duodecimo  Numerorum  capite  (v.  6)  colligitur.  Nam  illic  Dominus  Moysen  eximens  a  communi  prophetarum  ordine,  dicit:  Ego  servis  meis  per  visionem  vel  per  somnium  appareo:  cum  Moyse  vero  facie  ad  faciem  loquor.  Videmus  ergo  generi  subiici  duas  species,  confirmationis  vice.  Summa  tamen  huc  redit,  fore  omnes  prophetas,  simul  ac  effusus  e  coelo  spiritus  fuerit.  Verum  hic  obiicitur,  nihil  tale  exstitisse,  etiam  in  ipsis  apostolis,  nedum  in  universo  fidelium  grege.  Respondeo,  hunc  prophetis  usitatum  fuisse  morem,  ut  regnum  Christi  sub  tropis  saeculo  suo  congruentibus  adumbrent.  Dum  loquuntur  de  cultu  Dei,  nominant  altare,  sacrificia,  auri,  argenti,  thuris  oblationem.  Scimus  tamen  altaria  nunc  cessare,  abolita  esse  sacrificia,  quorum  sub  lege  usus  fuit:  et  Dominum  altius  quiddam  requirere  a  nobis  quam  opes  terrenas.  Verum  id  quidem  est:  sed  prophetae,  dum  stylum  attemperant  ad  captum  sui  temporis,  figuris  quae  tum  familiares  populo  erant  involvunt  ea,  quae  nunc  aliter  exhibita  videmus,  quemadmodum  alibi  (Isa.  66,  21)  dum  ex  Levitis  se  facturum  sacerdotes  promittit  et  ex  plebe  Levitas^  non  alio  tendit,  nisi  infimum  quemque  sub  regno  Christi  honorifico  fore  in  gradu.  Ergo  si  verum  et  genuinum  huius  loci  sensum  habere  cupimus,  non  urgenda  sunt  verba  quae  ex  veteri  legis  oeconomia  sumpta  sunt,  sed  tantum  quaerenda  sme  figuris  veritas.  Ea  autem  est,  quod  apostoli  subito  spiritus  afflatu,  de  coelestibus  mysteriis  prophetice,  hoc  est  divine,  et  supra  vulgarem  modum  disserebant.  P  r  o  p  h  e  t  i  a  e  itaque  nomen  nihil  aliud  designat  quam  rarum  et  insigne  intelligentiae  donum  :  ac  si  diceret  Ioel,  sub  Christi  regno  non  paucos  tantum  fore  prophetas  quibus  arcana  sua  Deus  Calvini  opera.  Vol.  XLVIII.