42:33  33  SUR  LB  XI.  CHAP.  DE  DANIEL.  moins  par  tout  ou  nous  verrons  que  la  parole*  de  Dieu  sera  preschee,  et  qu'il  n'y  aura  point  d'idoles,  ne  de  ces  ordures  et  puantises,  qui  sont  pour  corrompre  et  pervertir  le  service  de  Dieu,  et  la  vraye  et  pure  religion,  sachons  que  c'est  la  un  lieu  desirable,  et  que  nous  devons  souhaitter  par  dessus  tout.  En  somme,  par  ce  mot  ici,  nostre  Seigneur  nous  monstre  que  c'est  que  nous  devons  le  plus  priser  en  ce  monde,  ce  n'est  pas  que  nous  soions  en  pays  fertile  et  abondant  (si  cela  nous  est  donne,  nous  avons  a  remercier  Dieu,  quand  en  toutes  sortes  il  desploie  sa  bonte  plus  que  paternelle  envers  nous),  mais  quand  sa  parole  est  preschee,  et  que  nous  avons  liberte  de  l'invoquer,  que  nous  ne  sommes  point  mesles  parmi  les  abominations  des  idolatres,  que  nous  ne  voions  point  toutes  ces  vilenies  qui  se  commettent  contre  son  honneur:  quand  donc  nous  serons  en  un  tel  lieu,  appelons  hardiment  cette  terre  la  desirable,  et  noble,  prisons  un  tel  lieu,  a  fin  de  remercier  Dieu  du  bien  qu'il  nous  fait,  a  fin  de  n'avoir  point  de  regrets  aux  commodites  qui  retiennent  et  empeschent  beaucoup  de  gens  qu'ils  ne  servent  a  Dieu,  car  ii  leur  semble  que  tout  seroit  perdu  pour  eux,  sinon  qu'ils  eussent  leurs  aises  accoustumees,  leues  delices,  et  ceci,  et  cela  :  nous  voions  combien  il  y  en  ha  auiourd'huy  qui  sont  adonnes  aux  choses  de  ce  monde,  oui,  et  encores  qu'ils  n'aient  rien  (par  maniere  de  dire),  si  est-ce  qu'ils  sont  la  attaches,  qu'on  ne  les  en  peut  arracher.  Quand  nous  voions  que  les  hommes  sont  si  fiches  aux  choses  terriennes,  d'autant  plus  devons-nous  mediter  cette  doctrine  qui  nous  est  ici  enseignee,  c'est  a  scavoir  que  quand  nous  aurons  liberte  de  servir  purement  a  nostre  Dieu,  que  nous  aurons  l'ordre  qu'il  ha  commande,  que  sa  parole  nous  sera  annoncee,  que  nous  aurons  ses  sacremens:  voila  un  desir  qui  doit  surmonter  tout  le  reste,  car  tout  ce  que  nous  pourrons  souhaitter  puis  apres,  nous  sera  aise  a  recouvrer,  quand  Dieu  nous  aura  fait  cette  grace  ici,  et  cependant  si  nous  avons  des  afflictions,  que  ceci  les  adoucisse.  Nous  voions  que  si  une  medecine  est  amere,  quand  il  y  aura  quelque  chose  pour  l'adoucir,  un  malade  ne  laissera  point  de  l'avaller,  quand  il  scaura  que  ce  sera  son  profit:  or  il  est  certain  que  si  Dieu  nous  envoie  des  afflictions,  ce  sont  autant  de  medecines,  mais  quoy?  pour  ce  que  nous  sommes  si  chagrins,  et  si  delicats,  et  de  l'autre  coste,  que  les  afflictions  nous  sont  aigres,  tellement  que  nous  ne  les  pouvons  pas  souffrir,  si  ce  n'est  que  Dieu  y  mesle  quelque  douceur,  il  nous  donne  cette  consolation  quand  nous  avons  sa  parole,  laquelle  nous  fait  surmonter  tout  ce  que  nous  pourrions  endurer  de  mal,  et  de  fascherie.  Venons  maintenant  au  residu  que  l'ange  poursuit  ici,  il  dit,  que  ce  roy  d'Aquilon,  c'est  a  dire  Calvini  opera.  Vol,  XLII.