41:33  33  IN  DANIELEM.  CAP.  VI.  34  Active  igitur  sumi  debet  hoc  epitheton:  quia  Deus  non  tantum  vivit,  sed  vitam  habet  ex  se  ipso:  deinde  est  vivificus,  hoc  est,  nulla  est  extra  ipsum  et  sine  ipso  vita.  Postea  adiungit,  Manere  in  perpetuum:  et  ita  distinguit  ab  omnibus  creaturis,  in  quibus  nihil  est  firmum  vel  stabile.  Scimus  enim  non  modo  quidquid  sub  coelo  est  obnoxium  esse  variis  mutationibus,  sed  etiam  coelum  ipsum.  In  hoc  igitur  differt  Deus  ab  omnibus  creaturis,  quod  non  patitur  ullam  mutationem,  sed  perpetuo  sibi  similis  manet.  Adiungit,  Begnum  eius  non  corrumpi,  et  dominationem  eius  esse  usque  in  finem.  Hic  clarius  exprimit  quod  prius  dixerat  de  firmo  Dei  statu,  quod  scilicet  non  tantum  maneat  in  sua  essentia,  sed  potestatem  suam  exerceat  in  toto  mundo,  et  quod  gubernet  sua  virtute  mundum,  omnia  sustineat.  Nam  si  tantum  dixisset,  Deum  perpetuo  manere,  ut  sumus  maligni  et  restricti,  tantum  subiret  haec  cogitatio,  Deum  in  sua  quidem  essentia  non  esse  obnoxium  mutationi:  sed  non  apprehenderent  mentes  nostrae  potentiam  eius  ubique  diffusam.  Haec  igitur  explicatio  notatu  digna  est,  quum  Darius  exprimit  diserte  regnum  Dei  non  corrumpi,  et  dominationem  eius  esse  usque  ad  finem.  Secundo  loco  Deum  liberatorem  vocat.  Qui  arripiunt  hoc  edictum  quasi  illustre  testimonium  pietatis,  dicunt  evangelice  loquutum  esse  Darium,  et  praeconem  fuisse  misericordiae  Dei.  Sed,  quemadmodum  prius  dictum  fuit,  Darius  nunquam  in  genere  amplexus  est  quod  scriptura  docet,  nempe  Deum  clementer  fovere  omnes  suos,  illis  auxiliari,  quoniam  misericors  est,  et  quoniam  paterno  favore  ipsos  dignatur.  Causam  iliam  non  tenuit  rex  Darius.  Nota  erat  Danielis  liberatio:  fuit  hoc  particulare  documentum  gratiae  Dei.  Sic  ex  parte  tantum  Darius  sensit  Deum  esse  propitium  servis  suis,  ita  ut  ad  eos  servandos  et  liberandos  sit  propensus.  Sed  hoc  esset  frigidum,  nisi  causa  simul  adiuncta  esset,  Ideo  liberatorem  esse  Deum,  quoniam  servos  suos  dignatus  est  eligere,  et  quia  testatus  est  se  illis  fore  patrem,  quia  illis  est  exorabilis,  quia  ignoscit  ubi  peccarunt.  Nisi  ergo  fundata  sit  spes  liberationis  in  gratuita  Dei  adoptione  et  misericordia,  erit  particularis  quaedam  cognitio  et  inefficax.  Darius  ergo  hic  non  loquitur,  ac  si  vere  et  pure  fuisset  de  misericordia  Dei  edoctus:  sed  tantum  dicit  ipsum  esse  liberatorem  suorum.  Recte  quidem  colligit  in  genere,  Deum  esse  liberatorem,  quia  eripuit  e  manu  leonum,  hoc  est,  ex  potentia  et  rabie  leonum  Danielem:  ratiocinatur  probe,  inquam,  Darius,  ubi  ab  uno  exemplo  deducit  ampliorem  doctrinam,  quod  penes  Deum  sit  servare  et  eripere  suos,  quoties  ita  libuerit:  sed  interim  agnoscit  visibilem  illam  Dei  potentiam  in  uno  actu:  causam  vero  principalem  vel  fontem  non  tenet,  quod  scilicet  Deus  amplexus  esset  Danielem,  sicuti  alios  filios  Abrahae,  et  pro  illo  paterno  favore  eum  ser-  Calvini  opera.  Vol.  XLI.