40:33  33  IN  EZECHIELIS  PROPH.  CAP.  I.  34  nuus  est  rerum  cursus  :  sed  ubi  Deus  aliquid  coepit  agere,  videtur  retrocedere,  ut  iterum  videbimus:  deinde  multa  inter  se  concurrunt:  unde  Stoici  finxerunt  fatum  ex  causarum  connexione,  ut  vocant.  Deus  autem  longe  aliter  hic  suos  docet,  nempe  sic  mundi  conversiones  esse  implicitas,  ut  tamen  pendeat  omnis  agitatio  ab  angelis,  quos  ipse  moderatur  pro  suo  arbitrio.  Et  ideo  rotae  dicuntur  oculatae.  Nec  dubium  est  quin  Deus  opposuerit  stultae  hominum  opinioni  hanc  formam  rotarum:  quia  homines  fingunt  caecam  fortunam,  et  volvi  temere  omnia  nescio  quo  turbulento  impetu.  Deus  autem  etiam  si  rotis  comparet  conversiones  quae  in  mundo  accidunt,  dicit  tamen  rotas  illas  esse  oculatas,  quasi  ostenderet  nihil  fieri  temere,  vel  caeco  fortunae  impetu.  Certe  illa  imaginatio  a  caecitate  nostra  prodit:  caecutimus  ipsi  in  luce,  et  ideo  quum  Deus  operatur,  putamus  ipsum  versare  sursum  et  deorsum  omnia:  et  quia  non  audemus  evomere  tam  crassam  blasphemiam  adversus  eum,  dicimus  fortunam  inconsiderate  agere  :  sed  interea  transferimus  imperium  Dei  ad  ipsam  fortunam.  Refert  Seneca  de  quodam  morione,  qui  apud  socrum  eius  fuerat:  confectus  senio  perdiderat  usum  oculorum:  clamabat  se  nihil  tale  esse  promeritum,  ut  coniectus  esset  in  tenebras:  putabat  solem  non  amplius  lucere  in  mundo,  ipse  autem  erat  caecus.  Idem  et  nobis  contingit:  caecutimus,  quemadmodum  dixi,  et  interea  volumus  reiicere  caecitatis  nostrae  causam  in  ipsum  Deum.  Quia  autem  non  audemus  aperto  ore  ipsum  criminari,  imponimus  illi  fortunae  nomen.  Ergo  hac  ratione  dicit  propheta  rotas  fuisse  oculatas.  Nunc  tenemus  summam  visionis.  Sed  iam  veniendum  erit  ad  singulas  partes.  Postquam  dixit  ventum  exortum  fuisse  ab  aquilone,  et  nubem  magnam,  adiungit,  Ignis  etiam  erat  involutus.  Utitur  Moses  9.  cap.  Exodi  hac  eadem  voce  quum  loquitur  de  procella,  quam  excitavit  in  Aegypto.  Ignis  ergo  erat  involutus  vel  contortus:  et  splendor  igni.  Quidam  argute  exponunt  hanc  partem,  ignem  fuisse  splendidum,  quia  obscura  non  sint  Dei  iudicia,  sed  exposita  omnium  oculis.  Nescio  an  id  voluerit  propheta:  mihi  non  potest  persuaderi.  Sed  describitur  hic  nobis,  usitato  scripturae  more,  Dei  maiestas.  Dicit  ergo  ignem  fuisse  splendidum  in  circuitu.  Tandem  dicit  fuisse  tanquam  adspectum  Hasmal  in  medio  ignis.  Hasmal  volunt  multi  esse  angelum,  vel  effigiem  incognitam:  sed  sine  ratione,  meo  iudicio.  Non  dubito  igitur  quin  Hasmal  sit  color  insignis.  Hieronymus  post  Graecos  vertit  electrum,  miror  cur  dicat  auro  et  argento  esse  pretiosius.  Conficitur  enim  electrum  ex  auro  et  quinta  parte  argenti.  Ergo  non  excellit  supra  aurum  et  argentum  :  itaque  in  eo  hallucinatus  est.  Sed  sive  sit  electrum,  sive  alius  color  insignis,  hinc  clarius  innotuit  Dei  maiestas  prophetae,  ita  ut  in  admirationem  rapi  debuerit:  Calvini  opera.  Vol.  XL.