4:33  33  LIVRE  III.  CHAPITRE  IL  34  tre  mesure,  a  quoy  tend-il  qu'a  se  courroucer  contre  son  incredulite?  Mon  ame,  dit-il,  pourquoy  t'estonnes-  tu?  pourquoy  t'escarmouches-tu1)  en  moy?  Espere  en  Dieu  (Ps.  42,  6;  43,  5).  Et  de  fait,  tel  espovantement  estoit  un  signe  manifeste  de  deffiance,  comme  s'il  eust  pense  estre  abandonne  de  Dieu.  Il  fait  ailleurs  une  confession  encore  plus  ample:  I'ay  dit  en  mon  esbranlement,  Ie  suis  reiette  du  regard  de  tes  yeux  (Ps.  31,  23).  Item  en  un  autre  lieu,  il  se  debat  en  soy  avec  telle  perplexite  et  angoisse,  que  mesme  il  entre  en  dispute  touchant  la  nature  de  Dieu.  Or  a-il  oublie,  dit-il,  de  faire  misericorde?  reiettera-il  a  iamais  (Ps.  77,  10)?  H  adiouste  encore  une  sentence  plus  dure:  Pay  dit,  II  me  faut  mourir.  Voicy  un  changement  de  la  main  de  Dieu:  car  comme  un  homme  desespere,  *  il  prononce  que  c'en  est  fait.  Et  non  seulement  il  confesse  qu'il  est  agite  de  doutes,  mais  comme  estant  opprime  et  vaincu,  il  ne  se  reserve  nul  espoir  :  pource  que  Dieu  l'a  delaisse,  et  qu'il  a  converti  sa  main  a  le  ruiner,  de  laquelle  il  avoit  accoustume  le2)  secourir.  Parquoy  non  sans  cause  il  exhorte  son  ame  de  retourner  a  son  repos  (Ps.  116,  8),  d'autant  qu'il  avoit  experimente  qu'elle  flottoit  ca  et  la  entre  les  vagues  de  tentation.  Et  toutesfois  c'est  une  chose  merveilleuse,  que  la  foy  soustient  les  coeurs  des  fideles  au  milieu  de  telles  concussions  et  si  rudes:  et  est  vrayement  comme  la  palme  qui  se  reiette  contre  tous  fardeaux,  et  ne  laisse  pas  de  se  relever  en  haut  quand  elle  est  chargee.  Voila  comme  David,  combien  qu'il  semblast  estre  accable,  en  se  reprenant  et  ten  cant3)  contre  sa  debilite,  n'a  pas  laisse  de  monter  a  Dieu.  Or  celuy  qui  en  bataillant  contre  son  infirmite  s'efforce  en  ses  destresses  de  persister  en  la  foy,  et  do  s'y  avancer,  est  desia  victorieux  pour  la  plus  grande  partie.  Ce  que  nous  pouvons  voir  de  l'autre  passage  (Je  David,  Atten  le  Seigneur:  fortifie-toy,  il  te  donnera  courage.  Atten  donc  le  Seigneur  (Ps.  27,  14).  Il  s'argue  de  timidite:  et  reiterant  cela  deux  fois,  il  confesse  qu'il  a  este  suiet  a  beaucoup  d'esbranlemens.  Cependant  non  seulement  il  se  desplait  en  ses  vices,  mais  il  s'esvertue  et  s'efforce  a  les  corriger.  Si  on  le  veut  comparer  avec  un  bon  examen  au  Roy  Achas,  on  y  trouvera  grande  diversite.  Isaie  est  envoye  a  cest  hypocrite-la,  pour  remedier  a  la  frayeur  laquelle  l'avoit  saisi.  Il  luy  porte  ce  message,  Sois  sus  tes  gardes,  et  te  repose:  ne  crain  point  (Is.  7,  4  s.).  La  dessus  ce  miserable  estant  desia  saisi  d'estonnement  (comme  il  avoit  este  dit  un  peu  auparavant,  qu'il  estoit  esmeu  comme4)  la  feuille  en