35:33  33  IOB  CHAP.  XXXII.  34  demeurent  la  comme  morts  et  confus,  notons  que  Dieu  punit  ceste  deffiance,  et  qufils  n'ont  point  une  telle  magnanimite  qu'ils  devroyent,  pource  qu'ils  ne  Pont  point  invoque,  et  ne  se  sont  point  attendus  a  lui,  pource  qu'ils  n'ont  point  estime  que  le  sainct  Esprit  seroit  assez  suffisant  pour  leur  donner  vertu.  Ainsi  donc  l'incredulite  se  monstre  auiourd'hui  d'autant  que  s'il  y  a  une  bonne  cause,  elle  sera  mise  sous  le  pied.  On  voit  les  meschans  qui  ont  du  courage  tant  et  plus  pour  faire  valoir  leurs  mensonges,  et  que  la  verite  ne  pourra  venir  en  avant.  Et  pourquoi?  Car  les  meschans  ne  faillent  point  a  s'appliquer  tant  qu'il  leur  est  possible  pour  renverser  tout,  pour  mettre  les  choses  en  confusion,  et  cependant  il  n'y  a  personne  qui  s'y  oppose,  au  moins  en  telle  vertu  qu'il  seroit  requis.  Et  pourquoi?  Car  ceux  qui  desirent  le  bien,  et  y  ont  quelque  affection,  ne  laissent  pas  d'estre  povres  incredules:  et  de  fait  s'ils  se  fioyent  en  Dieu,  il  est  certain  qu'ils  ne  souffriroyent  point  que  tout  fust  ainsi  confus  comme  il  est.  Voila  donc  ce  que  nous  avons  a.  retenir  quand  Eliu  se  mocque  des  amis  de  Iob  qui  sont  demeurez  confus:  c'est  autant  comme  s'il  disoit,  que  par  cela  on  voit  qu'ils  ont  eu  mauvaise  cause,  et  qu'ils  l'ont  mal  combattue  a  l'encontre  de  Iob.  Or  il  adiouste,  Qu'il  parlera  aussi  a  son  tour.  Ce  mot,  Aussi,  doit  estre  pese,  pource  qu'Eliu  signifie  que  c'est  en  temps  opportun  qu'il  met  en  avant  ses  propos.  Pourquoi?  Nous  avons  desia  dit,  qu'estant  ieune  il  devoit  porter  reverence  aux  gens  aagez:  car  c'eust  este  pervertir  l'ordre  de  nature.  Il  a  donc  fallu  que  ceste  modestie  procedast,  et  qu'Eliu  laissast  parler  ceux  qui  estoyent  plus  d'aage  que  lui,  et  qu'il  les  escoutast.  Cela  est-il  fait?  Puis  que  Dieu  lui  donne  grace  de  mieux  distinguer  la  cause  que  ceux  la  n'ont  fait,  il  parle  a  son  tour.  Nous  voyons  donc  qu'il  ne  se  precipite  point,  c'est  a  dire,  il  ne  s'ingere  point  a  la  volee:  mais  apres  avoir  attendu  que  le  temps  opportun  soit,  alors  il  parle.  Et  c'est  un  poinct  que  nous  devons  encore  bien  noter  :  car  nous  savons  que  le  tout  doit  estre  traitte  en  l'Eglise  de  Dieu  par  bon  ordre  et  decentement,  comme  dit  sainct  Paul  (1.  Cor.  14,  40).  Il  y  a  donc  deux  choses  requises  en  la  facon  d'enseigner:  c'est  que  l'ordre  soit  observe  en  premier  lieu:  et  puis  avec  l'ordre  qu'il  y  ait  une  honnestete,  que  les  choses  soyent  decentes  et  convenables.  Puis  qu'ainsi  est  retenons  l'exemple  d'Eliu,  et  tenons-nous  a  la  doctrine  que  sainct  Paul  nous  donne  en  ce  passage  que  i'ai  allegue:  c'est  qu'il  n'y  ait  point  de  confusion  entre  nous,  comme  aussi  sainct  Paul  dit  en  l'autre  endroit  du  passage  allegue  (v.  27  ss.),  qu'encores  que  Dieu  ait  suscite  beaucoup  de  Prophetes  en  son  Eglise,  qu'il  y  ait  beaucoup  de  gens  qui  sachent  Calvini  opera.  Vol  XXXV.