34:33  33  IOB  CHAP.  XVI.  34  demande  de  nous  gouverner,  comme  si  Dieu  notoit  non  seulement  toutes  nos  oeuvres,  mais  nos  pensees  aussi.  Voila  encores  ce  que  nous  avons  a  retenir  de  ce  passage.  Voici  donc  (dit  Iob)  mesmes  maintenant  mon  tesmoin  est  au  ciel.  Or  sous  ce  mot  de  Mesmes  ou  Aussiy  il  comprend,  qu'il  pourroit  bien  alleguer  les  hommes,  mais  qu'il  passe  plus  outre,  c'est  assavoir,  qu'il  vient  iusques  a  Dieu.  Et  ceci  doit  estre  pese.  Car  les  hypocrites  quand  ils  appellent  Dieu  en  tesmoin,  ils  n'oseroyent  pas  se  submettre  a  la  cognoissance  des  hommes.  S'il  y  a  un  meschant,  qu'on  cognoist  tel  notoirement,  moyennant  qu'il  ne  soit  point  mis  en  prison,  qu'on  ne  le  traine  point  au  gibet,  il  se  glorifiera  iusques  au  bout:  et  toutes  fois  chacun  le  condamnera,  mesmes  au  lieu  d'avoir  trois  ou  quatre  iuges,  il  en  aura  cent,  il  en  aura  mille.  Car  un  chacun  dira,  Voila  un  meschant,  voila  un  larron,  voila  un  meurtrier,  voila  un  homme  plein  de  rapines,  un  blasphemateur,  un  contempteur  de  Dieu.  Or  cependant  si  est-ce  que  telles  gens  sont  si  impudens,  qu'ils  ne  feront  nul  scrupule  d'appeller  Dieu  en  tesmoin  de  leur  preud'hommie,  et  declarer  qu'il  les  cognoist,  et  qu'ils  sont  prests  de  respondre  devant  lui:  et  s'il  est  question  de  venir  a  la  cognoissance  des  hommes  (comme  i'ai  desia  touche)  il  y  aura  mille  voix  pour  les  condamner.  Et  comment  donc  oseront-ils  se  presenter  a  Dieu?  Pource  qu'ils  n'apprehendent  pas  sa  maieste.  Voila  pourquoi  nous  devons  bien  peser  ce  mot,  Mesmes,  dit  Iob  :  car  il  presuppose  qu'il  pourra  appeler  les  hommes  en  tesmoins,  et  qu'un  chacun  testifiera  pour  lui,  qu'ils  s'est  porte  en  sorte  qu'il  a  este  l'oeil  aux  aveugles,  qu'il  a  este  le  tuteur  des  orphelins,  qu'il  a  este  le  protectenr  des  vefves,  qu'il  a  servi  de  iambes  aux  boiteux,  que  sa  main  n'a  iamais  este  close  aux  povres:  comme  nous  verrons  qu'il  en  fait  ci  apres  les  protestations.  Car  Iob  avoit  ainsi  chemine  devant  les  hommes:  toutes  fois  il  dit,  que  mesmes  il  pourra  venir  a  Dieu,  qui  est  chose  plus  grande.  Aussi  nous  voyons  comme  il  magnifie  ici  le  tesmoignage  du  ciel.  Or  par  cela  il  est  bien  a  penser  qu'il  ne  s'est  pas  iette  a  la  volee  pour  se  iustifier  avec  une  licence  desbridee,  ainsi  que  font  ces  moqueurs  qui  protestent  de  bouche  que  Dieu  les  cognoist,  et  cependant  leur  vie  est  si  vilaine  que  l'air  en  put,  mesmes  les  petis  enfans  en  savent  a  parler.  Voila  donc  ce  que  nous  avons  a  noter  en  ce  passage.  Apres  il  adiouste  que  ses  amis  sont  rhetoriqueurs  contre  lui,  et  gue  cependant  ses  yeux  distillent  larmes  envers  Dieu.  Ici  Iob  monstre  pourquoi  il  est  contraint  de  se  remettre  au  iugement  de  Dieu,  c'est  assavoir,  qu'il  ne  trouve  nulle  raison  ni  equite  envers  les  hommes.  Or  ce  nous  est  une  tentation  bien  grande  quand  nous  sommes  affligez,  et  que  le  Calvini  opera.  Vol  XXXIV.