33:33  33  IOB  CHAP.  L  34  adonner  pour  toutes  les  tentations  qu'il  nous  mettra  en  avant:  mais  que  nous  souffrions  que  Dieu  nous  purge  de  toutes  nos  ordures  et  infections,  comme  il  nous  l'a  promis  au  nom  de  nostre  Seigneur  Iesus  Christ,  iusques  a  ce  qu'il  nous  ait  retirez  des  souillures  et  pollutions  de  ce  monde,  pour  nous  conioindre  avec  ses  Anges,  et  nous  faire  participans  de  ceste  felicite  eternelle,  a  laquelle  nous  devons  maintenant  aspirer.  Or  nous  nous  presenterons  devant  la  face  de  nostre  bon  Dieu  etc.  S  E  R  M  O  N  S  E  C  O  N  D  SUR  LE  L  CHAPITRE.  2.  Or  sept  fils  masles  luy  estoyent  nais,  et  trois  filles.  3.  Et  avoit  grande  chevanee  de  bestail:  a  scavoir  sept  mille  moutons,  et  brebis,  trois  mille  chameaux,  cinq  cens  couples  de  boeufs,  cinq  cens  asnesses,  et  grand'1  famille,  tellement  qu'il  surmontoit  tous  ceux  d'Orient.  4.  Et  ses  fils  alloyent  et  faisoyent  convives  par  leurs  maisons,  un  chacun  en  son  iour:  ils  convioyent  aussi  leurs  trois  soeurs  pour  manger  et  boire  avec  eux.  5.  Quand  le  tour  des  banquets  estoit  accompli,  Iob  envoyoit  vers  ses  enfans,  et  les  sanctifioit:  et  se  levant  de  matin  il  offroit  holocaustes  selon  le  nombre  d1  eux:  car  il  disoit,  Possible  mes  enfans  auront  peche,  ils  n'auront  pas  benit  le  Seigneur  en  leurs  coeurs.  Ainsi  donc  Iob  en  faisoit  tous  les  iours.  Nous  vismes  hier  les  louanges  que  le  Sainct  Esprit  attribuoit  a  Iob,  non  pas  tant  pour  luy,    pour  nostre  instruction,  afin  que  nous  sachions  comme  nous  avons  a  regler  nostre  vie,  c'est  que  nous  cheminions  en  rondeur  de  coeur,  qu'il  n'y  ait  point  de  fiction  en  nous,  et  cependant  que  nos  oeuvres  aussi  rendent  tesmoignage  d'une  telle  simplicite.  Au  reste,  que  nous  craignions  Dieu,  sachans  que  c'est  a  luy  qu'il  nous  faut  rapporter  toute  nostre  vie,  et  que  c'est  a  son  honneur  que  nous  devons  estre  dediez.  Et  pource  que  nous  sommes  tousiours  environnez  de  beaucoup  de  scandales,  et  ^ue  le  diable  machine  de  nous  destourner  du  bon  chemin,  que  nous  soyons  sur  nos  gardes  pour  nous  retirer  du  mal,  pour  nous  recueillir  a  Dieu,  attendant  que  nous  soyons  du  tout  separez  des  pollutions  de  ce  monde  par  la  mort.  Or  maintenant  il  s'ensuit  au  texte,  Que  Iob  estoit  un  homme  fort  riche,  et  mesmes  une  grande  partie  de  son  avoir  nous  est  ici  recitee.  Ce  n'est  point  peu  de  chose  d'avoir  sept  mille  bestes  blanches,  d'avoir  cinq  cens  couples  de  boeufs,  tant  d'asnesses,  tant  de  chameaux.  Voila  donc  une  grande  chevanee  pour  un  homme:  et  de  fait  ii  est  dit,  Qu'il  surmontoit  tous  ceux  d'Orient.  Or  Calvini  opera.  Vol  XXXIII.