32:33  33  PSALMUS  XCV.  34  quae  narratur  Exodi  capite  17,  2.  7  malui  ad  locum  referre:  quod  idem  etiam  in  nomen  HDU  competit.  Quia  tamen  in  secundo  membro  additur  nomen  deserti,  ad  notandum  tentationis  locum:  si  cui  magis  placeat  versio,  secundum  diem  tentationis,  nolim  contendere.  Nec  sane  in  re  tantula  opus  est  nos  esse  nimis  curiosos.  Nam  quod  diversa  loca  esse  quidam  volunt,  non  assentior.  Pluribus  deinde  verbis  duritiem  populi  explicat:  et  quo  plus  efficaciae  habeat  sermo,  Deum  loquentem  inducit.  Porro  sub  obduratione  cordis  non  dubium  est  quin  propheta  quemlibet  verbi  Dei  contemptum  significet,  quamvis  multae  sint  ac  diversae  species.  Nam  quum  in  medium  proponitur,  videmus  ab  aliis  frigide  audiri,  et  contemptim  ab  aliis  fastidiose  respui,  ab  aliis  superbe  reiici,  ab  aliis  etiam  furiose  non  sine  probro  et  blasphemia  proscindi.  Quum  ergo  ex  auditoribus  alii  sint  ignavi,  alii  fastidiosi,  alii  derisores,  alii  insani  et  rabiosi:  vitia  haec  omnia  uno  verbo  propheta  complectitur.  Neque  enim  cor  nostrum  molle  et  flexibile  ad  Deum  audiendum  censebitur,  nisi  reverenter  promptoque  ad  obsequium  affectu  excipimus  eius  doctrinam.  Quod  si  nulla  eius  est  apud  nos  autoritas,  nihilo  plus  quam  homini  mortali  tribuimus:  in  quo  se  prodit  cordis  durities,  sive  tantum  ex  socordia,  sive  ex  fastu,  sive  ex  rebellione  procedat.  Consulto  autem  odiosa  voce  usus  est,  quo  magis  exsecrabilem  redderet  verbi  contemptum  :  sicuti  in  lege,  sub  adulterii  nomine,  quamvis  scortationem  et  impuras  libidines  damnat:  sub  nomine  homicidii,  omne  genus  violentiae  et  iniuriae,  odia  etiam  et  simultates.  Ergo  quisquis  neglectim  praeterit  verbum  Dei,  neque  attentus  est  ad  parendum,  quamvis  non  sit  aperte  contumax,  dicitur  tamen  esse  corde  lapideo.  Ridiculi  tamen  sunt  papistae,  dum  ex  hoc  loco  liberum  arbitrium  adstruere  conantur.  Primo  notandum  est  corda  omnium  mortalium  naturaliter  lapidea  esse:  quia  scriptura  Ezech.  36,  26  quum  de  corde  lapideo  loquitur,  non  restringit  vitium  ad  paucos,  sed  in  genere  pronuntiat  qualis  sit  hominum  natura.  Caeterum  quamvis  ingenita  sit  nobis  talis  pravitas,  quia  tamen  voluntaria  est,  neque  sensu  caremus,  ut  lapides:  quisquis  Dei  verbo  se  regi  non  patitur,  cor  suum  iam  ante  lapideum  obdurat,  ac  proprio  sensu  convincitur  suae  contumaciae.  Neque  tamen  sequitur,  mollitiem  et  cor  in  utramque  partem  flexibile  esse  in  manu  nostra:  quia  facit  naturae  corruptio  ut  tota  hominis  voluntas  ad  malum  inclinet,  atque  etiam  feratur.  Se  ipsum  tamen  quisque  obdurat  quoties  Deo  non  obedit:  quia  malitiae  culpam  non  potest  alio  transscribere.  9.  (Quando  tentaverunt  me  patres  vestri.)  Oblique  significat  propheta,  sicuti  prius  attigi,  Iudaeos  ab  initio  perversi  ingenii  et  prope  indomiti  fuisse.  Utile  tamen  ob  duas  rationes  fuit,  crimen  patrum  Calvini  opera.  Vol  XXXII.