31:33  33  male  feriatorum  turmam  contra  me  accenderet.  Loquor  adhuc  de  intestinis  ecclesiae  hostibus,  qui  evangelium  Christi  magnifice  iactantes,  quia  crassum  de  carnali  Christi  manducatione  eorum  commentum  non  amplector,  plus  quam  hostili  impetu  in  me  feruntur  :  de  quibus  etiam  cum  David  mihi  testari  licet:  Dum  pacem  quaero,  eos  ad  bellum  ruere.  Psal.  120,  7.  Porro  in  eo  se  prodit  immanis  omnium  ingratitudo,  quod  hominem,  cui  in  defensione  causae  communis  strenue  laboranti  suppetias  ferre  debebant,  a  lateribus  et  tergo  adoriuntur.  Certe  si  vel  exiguo  humanitatis  sensu  praediti  forent,  maxima  quaeque  odia  placare  debuerat  qui  in  me  effuso  impetu  fertur  papistarum  furor.  Sed  quando  haec  Davidis  fuit  conditio,  ut  de  populo  suo  bene  meritus  gratis  tamen  exosus  multis  esset,  sicuti  Psal.  69,  5  queritur:  Se  solvisse  quod  non  rapuerat:  mihi  non  levi  solatio  fuit,  dum  gratuitis  eorum  odiis  impetor,  quorum  officiis  sublevari  me  decebat,  ad  tale  tamque  praeclarum  exemplar  me  formare.  Atque  etiam  ad  Psalmos  intelligendos  non  parvo  mihi  adiumento  fuit  haec  peritia,  ne  velut  in  regione  incognita  peregrinarer.  Et  agnoscent  lectores,  nisi  fallor,  ubi  intimos  tam  Davidis  quam  aliorum  sensus  explico,  non  secus  ac  de  rebus  familiariter  compertis  disserere.  Porro  quum  fideliter  studuerim  huius  thesauri  communem  piis  omnibus  usum  facere,  etiamsi  non  adeptus  sum  quod  volebam,  nonnihil  tamen  gratiae  meretur  hic  conatus.  Neque  tamen  aliud  postulo  nisi  ut  ex  sua  quisque  utilitate  et  fructu  quem  percipiet  aequus  ac  ingenuus  sit  laboris  mei  censor.  Certe,  quod  dixi,  lectio  ipsa  clare  monstrabit,  me  ut  placerem  nequaquam  quaesiisse,  nisi  quatenus  prodessem.  Itaque  non  modo  simplex  docendi  ratio  ubique  a  me  servata  est,  sed  quo  longius  Calvini  opera.  Vol.  XXXI.