30:33  33  IN  I.  LIB.  SAMUEL.  CAP.  XIV.  34  tem  servatum  iri,  licet  antea  numerus  infinitus  et  multitudo  infinita  fuissent.  Sed  ecce  quam  miseri  ut  velut  oves  in  leonum  versentur  faucibus:  quos  vel  odium  vicinorum  premit,  vel  calumniae,  vel  denique  molestiae  variae  obruunt,  ut  hostium  furori  expositi  undequaque  videantur.  Sed  eos  propheta  consolatur.  Et  proposita  visione  quam  habuerat  de  candelabro  et  lampadibus,  adiicit  duas  oleas  fuisse,  quibus  figurabatur  vetus  lex.  Atque  duas  illas  oleas  docet  perpetuo  stillasse,  ne  lampades  in  ecclesia  exstinguerentur.  Deinde  illud  neque  vi  armorum,  neque  alia  vi  perfectum  iri  docet,  sed  spiritu  ipso  Iehovae.  Ex  quibus  discimus  Deum  coniectis  suis  fidelibus  in  tantas  angustias,  ut  de  sua  salute  desperent,  quod  non  sint  pares  hostibus  suis  resistendo,  qui  magnis  viribus  inermes  et  inhabiles  adoriuntur,  hostes  illos  debellantem  et  dissipantem,  velle  suum  opus  agnosci,  debitumque  propterea  sibi  honorem  reddi.  Quamobrem  non  oportet  fidem  nostram  niti  neque  multitudine  militum,  neque  terrestribus  ullis  rebus:  sed  potius  esse  persuasos  rebus  istis  omnibus  destitutos,  tamen  re  ipsa  experturos  satis  magnam  esse  Dei  virtutem  ad  nos  tutandos  et  ex  summis  periculis  ervendos,  in  quae  ad  nos  explorandos  ipse  coniecerit.  Ad  nos  igitur  etiam  illa  prophetae  verba  pertinent.  Certum  enim  est  prophetam  illis  declarasse  qualis  sit  ecclesiae  conditio  ex  quo  a  captivitate  babylonica  redempta  fuit,  imo  ex  quo  Dominus  noster  Iesus  Christus  in  hunc  mundum  venit.  Quotiescunque  igitur  hostium  multitudine  et  minis  terrebimur,  quod  ab  illis  iam  iam  laniandi  videamur,  ad  istam  promissionem  confugiamus,  futurum  nobis  instar  fortissimorum  aggerum  et  munitionum,  nempe,  non  habendam  nobis  rationem  neque  gladiorum  neque  exercituum:  sed  contentos  esse  oportere  virtute  Domini  nostri  Iesu  Christi,  quae  ad  salutem  nostram  victoriam  de  hostibus  reportatura  est.  Atque  ex  hoc  loco  doctrina  haec  tam  utilis  eruenda  est:  et  praeter  doctrinam  utile  est  etiam  exemplis  confirmari,  quale  hoc  loco  Saulis  occurrit,  qui  cum  sexcentis  hominibus  tantum  mansisse  solus  dicitur,  undequaque  tamen  hostibus  ingenti  multitudine  illum  cingentibus  ut  desperata  salus  Israelitarum,  et  facilis  hostibus  victoria,  etiam  non  districtis  gladiis  videretur.  Itaque  tum  hostes  triumphos  quasi  iam  parta  victoria  canebant:  et  minime  dubium  quin  Dei  nomen  blasphemis  suis  vocibus  lacerarent,  Deo  ad  tempus  illos  ferente.  Sed  tandem  re  ipsa  Deus  patefecit,  omnem  illam  hostium  sese  tam  alte  efferendum  arrogantiam  in  summum  ipsorum  dedecus  et  confusionem  verti.  Quamobrem  Dei  contemptoribus  superbia  et  arrogantia  turgentibus,  et  in  fideles  crudeliter  saevientibus,  tanto  propinquiorem  ipsorum  ruinam  et  dedecus  esse  sciamus.  Et  si  Deus  eo  usque  nos  explorarit,  ut  hostes  adversus  nos  multa  Calvini  opera.  Vol  XXX.