3:33  33  AU  ROY  DE  FRANCE.  34  tion,  non  en  syncerité  (Phil.  1,  15):  et  mesme  malicieusement,  pensans  de  le  grever  plus  en  sa  prison.  En  aucuns  lieux  l'Evangile  ne  profitoit  pas  beaucoup:  chacun  cherchoit  son  profit,  et  non  pas  de  servir  à  Iesus  Christ:  les  autres  se  revoltoyent,  retournans  comme  chiens1)  à  leurs  vomissemens,  et  pourceaux  à  leurs  fanges.  Plusieurs  tiroyent  la  liberté  de  l'esprit  en  licence  charnelle.  Plusieurs  faux  freres  s'insinuoyent,  desquels  provenoyent  apres  grans  dangers  aux  fideles:  mesme  entre  les  freres,  il  se  suscitoit  plusieurs  debats.2)  Qu'avoyent  icy  à  faire  les  Apostres?  Leur  estoit-il  expedient  ou  de  dissimuler  pour  un  temps,  ou  du  tout  quitter  et  renoncer  cest  Evangile,  lequel  ils  voyoyent  estre  semence  de  tant  de  noises,  matiere  de  tant  de  dangers,  occasion  de  tant  de  scandales?  Mais  entre  telles  angoisses  il  leur  souvenoit  que  Christ  est  pierre  d'offense  et  de  scandale,  mis  en  ruine  et  resurrection  de  plusieurs,  et  pour  un  but  auquel  on  contredira  (Luc  2,  34).  De  laquelle  fiance  estans  armez,  ils  passoyent  hardiment,  et  marchoyent  par  tous  dangers  de  tumultes  et  scandales.  Nous  avons  à  nous  conforter  d'une  mesme  pensée,  puis  que  sainct  Paul  tesmoigne  cecy3)  estre  perpetuel  à  l’Evangile,  qu'il  soit  odeur  de  mort  pour  mort  à  ceux  qui  perissent  (2  Cor.  2,  16):  combien  qu'il  soit  plustost  ordonné  à  ceste  fin,4)  d'estre5)  odeur  de  vie  pour  vie  à  ceux  qui  sont  sauvez:  et6)  puissance  de  Dieu  en  salut  à  tous  croyans  (Rom.  1,  16).  Ce  que  nous  experimenterions  aussi  de  nostre  part,  si  nous  n'empeschions  et  destournions  par  nostre  ingratitude  un  si  grand  benefice  de  Dieu:  et  si  nous  ne  tirions  à  nostre  ruine,  ce  qui  nous  devoit  estre  un  souverain  moyen  de  salut.  Mais  ie  retourne  à  vous,  Sire.7)  Vous  ne  vous  devez  esmouvoir  de  ces  faux  rapports,  par  lesquels  noz  adversaires  s'efforcent  de  vous  ietter  en  quelque