29:33  oo  I*0  SUR  LE  DEUTER.  CHAP.  XXXII.  H  Or  un  homine  n'appettera  point  seulement  de  boire  et  de  manger,  mais  de  gourmander,  il  s'adonnera  a  toute  intemperance.  Voila  donc  un  homme  qui  sera  plus  miserable  que  les  bestes,  d'estre  ainsi  transporte  de  ses  affections  desbordees.  Puis  qu'ainsi  est  donc  tendons  a  ceste  issue,  laquelle  Dieu  nous  propose:  et  que  nous  sachions  qu'il  nous  fait  tellement  gouster  sa  bonte  en  ce  pelerinage  terrien,  qu'il  veut  que  nous  en  soyons  rassasiez  la  haut,  et  que  nous  ne  facions  que  passer  par  ce  monde,  que  nous  y  soyons  habitans  comme  estrangers,  et  que  nous  ne  laissions  pas  toutesfois  d'estre  conioints  et  unis  a  nostre  Seigneur  Iesus  Christ,  sachans  qu'il  est  nostre  chef,  et  qu'il  est  la  fontaine  de  tous  biens,  et  que  toute  nostre  ioye  et  contentement,  et  repos,  et  gloire  gist  en  luy,  et  y  consiste  :  et  a  l'opposite,  quand  Dieu  ne  punira  point  du  premier  coup  nos  offenses,  que  nous  ne  soyons  point  endormis  pourtant,  et  que  cela  ne  nous  donne  point  occasion  de  nous  flatter.  Et  pourquoy?  Si  nous  vivons  ainsi  au  iour  la  iournee  sans  regarder  plus  loin,  ne  faut-il  pas  que  nous  soyons  du  tout  stupides?  Vray  est  que  les  fidelles  ne  seront  point  tourmentez  de  trop  grande  solicitude.  Pourquoy?  Car  ils  les  remettent  comme  au  giron  de  Dieu,  ainsi  qu'ils  en  sont  exhortez  au  Pseaume.  Nous  ne  serons  point  donc  agitez  d'inquietude,  comme  sont  ceux  qui  n'ont  nulle  fiance  en  Dieu.  Car  quand  nous  invoquions  Dieu,  il  est  prochain  de  nous:  et  ne  faut  pas  que  nous  facions  la  de  longs  discours,  comme  les  mondains  qui  disputent  de  ce  qui  adviendra  cent  ans  apres  leur  mort.  Mais  cependant  si  ne  faut-il  pas  que  nous  soyons  tant  enveloppez  en  ce  que  nous  voyons  a  l'oeil,  que  nous  ne  regardions  tousiours  plus  loin:  mais  comme  les  promesses  de  la  vie  celeste  nous  doivent  eslever  par  dessus  le  monde,  que  les  menaces  de  Dieu  aussi  nous  sollicitent,  afin  que  nous  cheminions  en  sa  crainte,  nous  redarguans  de  nos  pechez  quand  nous  aurons  failli,  nous  appellans  tous  les  iours  a  conte:  comme  il  est  dit,  que  Noe  par  foy  a  contemple  le  deluge,  combien  que  chacun  fist  alors  grand  chere.  Ainsi  donc  apprenons  de  regarder  a  nostre  issue,  c'est  a  dire,  quand  nous  aurons  offense  Dieu,  ne  nous  endormons  point  la,  et  ne  nourrissons  point  nos  vices  du  iour  au  lendemain,  iusques  a  nous  endurcir  en  obstination  incorrigible:  mais  combien  que  Dieu  nous  supporte,  qu'il  use  de  patience,  et  qu'il  dissimule  pour  un  temps,  que  nous  ne  laissions  pas  pourtant  de  nous  souvenir  de  ses  menaces,  et  nous  esveiller  afin  de  gemir,  afin  de  luy  demander  pardon,  et  de  retourner  a  luy  en  vraye  repentance.  Voila  donc  la  vraye  sagesse,  c'est  que  les  hommes  ne  soyent  point  retenus  aux  choses  presentes  :  mais  qu'ils  eslevent  leurs  esprits  et  leurs  sens  a  ce  qui  est  in-  Ccdvini  opera.  Vol  XXIX.