28:33  33  SUR  LE  DEUTER.  CHAP.  XXII.  34  briete,  et  bien,  ils  sont  tousiours  admonnestez  en  se  vestant  de  la  provoyance  de  Dieu,  de  ce  qu'il  a  eu  un  soin  plus  que  paternel  de  nous.  Car  avonsnous  besoin  d'estre  vestus?  Nous  avons  la  chemise,  nous  avons  une  robe,  nous  avons  la  chaussure:  nous  voyons:  Voila  le  cuir  qui  nous  sert  pour  nous  chausser:  voila  le  drap  qui  est  pour  nous  couvrir:  voila  la  chemise  qui  est  encores  de  superabondant.  Et  Seigneur,  comme  tu  as  bien  proveu  a  tout!  Nous  sommes  admonnestez  de  cela.  Or  si  on  mesle  les  choses,  voila  les  hommes  qui  s'abrutissent,  et  Satan  ne  tasche  sinon  de  nous  esblouir  les  yeux,  afin  que  nous  ne  regardions  point  a  ceste  distinction  si  belle  que  Dieu  a  mise  en  toutes  ^es  parties  du  monde:  que  nous  pouvons  contempler  sa  sagesse  infinie,  laquelle  reluit  par  tout:  et  sa  bonte  souveraine,  en  laquelle  il  se  monstre  et  se  declaire  nostre  pere.  Satan  donc  ne  demande  sinon  que  tout  soit  confus,  et  que  les  hommes  gourmandent  ici  bas,  sans  penser  comme  Dieu  n'a  rien  oublie  de  ce  qui  estoit  pour  leurs  usages  et  necessitez.  Or  donc  notons  bien,  que  quand  il  a  este  defendu  aux  Iuifs  de  porter  robes  tissues  de  diverses  matieres,  que  c'est  afin  que  toutes  choses  s'appliquent  a  leur  usage,  et  qu'on  regarde:  Pourquoy  est-ce  que  Dieu  nous  a  mis  ceci  entre  mains?  A  quoy  nous  doit-il  servir?  Et  qu'on  ne  soit  point  mene  de  curiosite  excessive:  mais  qu'on  se  contente  d'avoir  l'usage  nais  tel  que  nostre  Seigneur  l'offre.  Or  nous  avons  desia  dit  que  la  servitude  n'est  pas  telle  auiourd'huy,  comme  elle  a  este  sous  la  Loy.  Car  nous  avons  liberte  plus  grande  que  ce  peuple-la,  que  Dieu  a  tenu  comme  des  petis  enfans,  ainsi  que  S.  Paul  en  parle.  Or  nous  savons  que  les  petis  enfans  auront  un  regime  plus  estroit  et  comme  servile.  Et  pourquoy?  Car  l'aage  ne  porte  point  qu'on  leur  donne  encores  telle  liberte:  mais  tant  y  a  que  ce  qu'on  enseigne  aux  petis  enfans,  c'est  afin  qu'ils  le  facent  et  Pobservent  quand  ils  seront  devenus  hommes:  l'aage  les  delivre  bien  de  la  verge  et  de  telles  astrictions,  mais  si  faut-il  qu'ils  retiennent  l'honnestete,  et  les  vertus  aussi,  ausquelles  on  les  a  voulu  duire  quand  ils  estoyent  rudes.  Et  ainsi,  combien  que  nostre  Seigneur  Iesus  Christ  nous  ait  delivre  de  ceste  obligation  si  estroite  des  ceremonies  de  la  Loy,  si  est-ce  que  la  substance  nous  demeure  tousiours:  et  nous  faut  en  somme  retenir,  que  Dieu  a  parle  a  nous  aussi  bien  qu'aux  Iuifs,  combien  que  ce  soit  en  autre  facon.  Car  nous  avons  a  recueillir  maintenant,  que  toutes  confusions  et  meslinges  luy  desplaisent.  Et  pourquoy?  Car  il  veut  que  nous  usions  des  biens  qu'il  nous  eslargit  en  sobriete,  que  nous  ne  vaguions  point  en  nos  delices,  et  qu'il  n'y  ait  point  de  superfluitez  entre  nous.  Et  aussi  qu'on  ne  s'occupe  point  tant  a  cercher  des  inventions  Calvini  opera.  Vol.  XXVIII.