27:33  33  SUR  LE  DEDTER.  CHAP.  X.  34  l'advenir  il  Ta  voulu  mettre  du  tout  en  oubli:  et  que  cependant  il  regarde:  Nostre  Dieu  nous  gouverne  comme  si  iamais  nous  ne  l'avions  offense,  nostre  condition  n'est  point  pire  qu'elle  estoit  auparavant,  il  n'y  a  qu'humanite  envers  nous.  Voila  pour  un  item.  Or  maintenant  nous  avons  a  recueillir  une  sentence  generale  de  ce  que  Moyse  remonstroit  au  peuple  d'Israel:  car  la  doctrine  contenue  en  la  Loy  s'adresse  aussi  bien  a  nous.  Israel  donc,  que  demande  ton  Dieu  de  toy?  Auiourd'huy  Dieu  parle  a  nous,  il  nous  propose  sa  volonte  pour  reigler  nostre  vie.  Et  a  quoy  pretend-  il?  Regardons  ce  qu'il  nous  commande,  regardons  quelle  est  l'utilite  qui  luy  en  peut  revenir.  Or  il  est  certain  que  Dieu  ne  demande  sinon  que  nous  l'aimions:  et  ne  voila  point  une  condition  que  nous  devons  elire  par  dessus  tous  les  royaumes  du  monde?  Car  si  nostre  Dieu  nous  faisoit  des  princes,  il  est  certain  qu'il  ne  nous  feroit  point  plus  grand  honneur  que  d'estre  a  son  service.  Nous  voyons  comme  ceux  qui  sont  a  leur  aise,  mesmes  gentilshommes  qui  ont  bon  revenu,  qu'encores  ils  aiment  mieux  tracasser  a  la  cour,  et  estre  au  service  du  Prince,  avoir  beaucoup  de  travail,  et  mesmes  eonsommer  leur  bien  pour  se  faire  valoir,  que  de  cagnarder  en  leur  maison,  et  vivre  de  leur  revenu  en  bon  repos.  Voila  nostre  Dieu  qui  nous  recoit,  il  nous  retient  de  sa  maison:  et  non  point  en  condition  servile,  mais  comme  ses  enfans,  il  nous  appelle  a  son  heritage.  Mais  encores  quand  il  n'y  auroit  que  cela,  qu'il  accepte  nostre  service,  de  nous  qui  sommes  inutiles  pleinement,  qui  n'avons  que  toute  corruption  en  nous:  et  neantmoins  qu'il  nous  veut  appliquer  a  bon  usage,  pour  nous  faire  vaisseaux  d'honneur,  tellement  que  nous  reluisions  en  son  Eglise,  que  nous  soyons  comme  des  perles,  au  lieu  que  nons  n'estions  qu'ordure  et  fange.  Puis  donc  que  nostre  Dieu  nous  traitte  si  humainement,  quelle  ingratitude  sera-ce  quand  nous  ne  viendrons  nous  ranger  a  luy  en  toute  obeissance?  Et  puis  quel  profit  recevra-il  de  nous  quand  nons  l'aurons  bien  servi?  En  sera-il  plus  a  son  aise?  a-il  besoin  de  nostre  aide  en  rien  qui  soit?  Mais  le  tout  revient  a  nostre  salut,  et  ne  pense  sinon  a  ce  qui  nous  est  profitable.  Malheur  donc,  et  double  malheur  sur  nous,  quand  nous  ne  serons  point  veincus  d'une  telle  bonte,  et  que  nos  coeurs  ne  seront  point  enflammez  en  une  droite  affection  de  nous  adonner  a,  nostre  Dieu,  et  qu'il  nous  gouverne,  et  que  nous  souffrions  qu'il  domine  par  dessus  nous,  et  que  nous  soyons  prests,  et  appareillez  de  plier  sous  sa  main  par  tout  ou  il  nous  voudra  tourner.  Voila  ce  que  nous  avons  a  retenir  en  ce  passage.  Et  ainsi  toutes  fois  et  quantes  que  la  Loy  nous  semblera  rude  et  aspre,  que  nous  serons  chatouillez  de  nos  mauvaises  concupiscences,  pour  nous  Calvini  opera.  Vol  XXVII.