22:33  33  INSTRUCTION  ET  CONFESSION  DE  FOY  DONT  ON  USE  EN  LEGLISE  DE  GENEVE.  Que  tous  hommes  sont  nez  pour  cognoistre  Dieu1)-  Comme  aynsi  soit  quon  ne  trouve  nul  des  hommes,  comment  quil  soyt  barbare  et  plainement  sauvaige,  qui  ne  soit  touche  de  quelque  opinion2)  de  religion  il  appert  que  nous  sommes  tous  creez  a  ceste  fin  que  nous  cognoissions  la  maieste  de  nostre  Createur;  layant  cogneue,  que  lavons  sur  tout  en  estime  et  que  lhonorions  de  toute  crainte  amour  et  reverence.  Mais  laissant  la  les  infideles  lesquelz  ne  cherchent  autre  chose  que  deffacer  de  leur  memoire  celle  opinion  de  Dieu  laquelle  est  plantee  en  leurs  cueurs,  il  nous  fault  penser,  nous  qui  faisons  profession  de  piete,  que  ceste  vie  caduque  et  qui  bientost  finera  ne  doibt  estre  autre  chose  quune  meditation  dimmortalite.  Or  on  ne  peult  trouver  nulle  part  vie  eternelle  et  immortelle  sinon  en  Dieu.  Il  fault  doncques  que  la  principale  cure  et  solicitude  de  nostre  vie  soit  de  chercher  Dieu  et  aspirer  a  luy  de  toute  affection  de  cueur  et  ne  reposer  ailleurs  quen  luy  seul.  Quelle  difference  il  y  a  entre  vraye  et  faulse  religion.  Puisque  cela  est  approuve  par  un  consentement  commun  que  si  nostre  vie  est  sans  religion  nous  vivons  tresmiserablement  et  mesmes  que  nous  ne  sommes  en  rien  plus  excellens  que  les  bestes  bru-  1)  ad  religionem.  2)  sensu.  Calvini  opera.  Voi.  XXII.