21:33  33  PAR  THEODORE  DE  BEZE.  l'ordre  et  la  discipline  Ecclesiastique  qui  y  est  tousiours  demeuree  ferme  depuis,  nonobstant  que  Satan  et  ses  adherans  ayent  fait  tous  leurs  effors  pour  l'abolir.  Or  qui  voudroit  ici  declarer  par  le  menu  tous  les  travaux  [page  26]  que  cest  excellent  personnage  a  depuis  soustenus  par  l'espace  de  vingt  et  trois  ans,  et  par  dedans  et  par  dehors,  il  y  auroit  matiere  d'un  bien  gros  volume.  Oar  s'il  y  eut  iamais  ville  rudement  assaillie  de  Satan  et  courageusement  defendue  durant  ce  temps  c'a  este  Geneve:  l'honneur  en  appartient  a  un  Dieu  seul:  mais  il  se  peut  et  doit  bien  dire  que  Calvin  a  este  l'instrument  de  la  force  et  vertu  d'iceluy.  S'il  est  question  de  vigilance,  iamais  Satan  et  les  siens  ne  le  prindrent  a,  despourveu  et  qu'il  n'en  ait  ou  adverti  le  troupeau  devant  le  coup  ou  preserve  sur  le  champ.  S'il  faut  parler  d'integrite,  il  est  encores  a  naistre  qui  luy  a  veu  faire  faute  en  son  office,  flechir  tant  soit  peu  pour  homme  vivant,  avoir  varie  en  doctrine  ni  en  vie,  ni  iamais  calomnie  personne.  S'il  faut  mettre  en  avant  le  travail,  ie  ne  croy  point  qu'il  se  puisse  trouver  son  pareil.  Outre  ce  qu'il  preschoit  tous  les  iours  de  sepmaine  en  sepmaine,  le  plus  souvent  et  tant  qu'il  a  peu  il  a  presche  deux  fois  tous  les  Dimanches,  il  lisoit  trois  fois  la  sepmaine  en  Theologie,  il  faisoit  les  remonstrances  au  Consistoire,  et  <5omme  une  lecon  entiere  tous  les  Vendredris  en  la  conference  de  l'Escriture  que  nous  [page  27]  appelons  Congregation,  et  a  tellement  continue  ce  train  sans  interruption  iusques  a��  la  mort,  que  iamais  il  n'y  a  failli  une  seule  fois  si  ce  n'a  este  en  extreme  maladie.  Au  reste  qui  pourroit  raconter  ses  autres  travaux  ordinaires  et  extraordinaires  ?  Ie  ne  scay  si  homme  de  nostre  temps  a  eu  plus  a  ouir,  a  respondre  et  a  escrire,  ni  de  choses  de  plus  grande  importance.  La  seule  multitude  et  qualite  de  ses  escrits  suffit  pour  estonner  tout  homme  qui  les  verra,  et  plus  encores  tous  ceux  qui  les  liront.  Et  ce  qui  rend  ces  labeurs  plus  admirables,  c'est  qu'il  avoit  un  corps  si  debile  de  nature,  tant  attenue  de  veilles  et  de  sobriete  par  trop  grande,  et  qui  plus  est  suiet  a  tant  de  maladies,  que  tout  homme  qui  le  voyoit  n'eust  peu  penser  qu'il  eust  peu  vivre,  tant  soit  peu:  et  toutesfois  pour  tout  cela  iamais  n'a  cesse  ide  travailler  iour  et  nuict  apres  l'oeuvre  du  Seigneur,  et  n'oyoit  rien  moins  volontiers  de  ses  amis  que  les  prieres  et  exhortations  qu'on  luy  faisoit  iournellement  afin  qu'il  se  donnast  quelque  repos.  I'en  ailegueray  seulement  deux  exemples.  L'an  1559  estant  assailli  et  merveilleusement  presse  d'une  fievre  quarte,  il  a  ce  nonobstant  basti  sa  derniere  Institution  Chrestienne  [page  28]  au  plus  fort  de  ceste  maladie  et  qui  plus  est  traduite  en  Francois  d'un  bout  a  l'autre.  Pareillement  en  ses  dernieres  maladies,  qui  estoyent  la  pierre,  la  goutte,  les  hemorrhoides,  une  fievre  phthysicque,  difficulte  Calvini  opera.  Vol  XXI.