11:33  1540  APRIL.  Sedanae  exustus  fuit.  Haec  omnia  Domino  committenda  sunt,  quem  debemus  precari  ne  patiatur  Galliam  sanguine  innocentium  conspurcari,  sed  propitius  det  ut  agnita  veritate  foveat  quae  sunt  fovenda.  Dudum  misissem  literas  Christophori  cum  iis  quae  una  misit,  sed  verebar  ne  non  redderentur:  praeterea  ipse  ferre  decreverant  Verum  hos  nactus,  ipsis  credidi.  Tu  si  exceperis  significa.  Plures  dedi  ad  te  literas,  sed  in  tuis  non  indicas  an  exceperis.  Viretus  quoque  referri  cuperet,  ut  suae  fuerint  exceptae  a  Capitone.  Iacobum  cupiebamus  huc  evocatum:  at  postquam  occasio  sese  isti  offert  diutius  istic  agendi,  vereor  ne  nostrum  audiat  consilium.  Invocet  Dominum  ut  quod  optimum  est  peragat.  Caspar,  ut  iam  subindicavi,  ad  Tussanum  est  impulsus  per  nos  concedere:  praefectus  est  ludo  literario.  Non  prorfus  male  consultum  est  ipsi.  Comes  non  infeliciter  pergit  iam.  Esset  admonendus  Comes  Gulielmus,  ut  in  ditione  quam  vicinam  habet  Monbelgardensi  curaret  adnunciatum  evangelium.  Hac  via  Burgundiones  possent  lucrifieri.  Laborabis  in  hoc  opere:  nam  audio  nullis  rasorum  minis  et  fulminibus  abarceri  posse  ab  auditu  evangelii,  quin  confluant  audituri  ubi  adnunciatur  per  ditionem  Comitis  Georgii.  Quo  minus  fructificat  evangelium,  eo  magis  contendendum  est  ut  latius  propagetur,  ut  tandem  terram  bonam  fructum  afferentem  alicubi  esse  audiamus.  Tam  plena  sunt  spinis  omnia  ut  semen  passim  suffocetur  sicque  sine  fructu  cadat.  Capunculus  laboravit  defluxu  in  spinam  dorsi:  nondum  sanitati  plene  est  restitutus.  Alii  omnes  satis  recte  valent.  Michael  novus  pater  familias  non  parum  gravatur  domestico  onere:  sic  exercet  eum  Dominus.  Corderius  optimus  est  domus  curator,  ut  nosti.  Valet  et  pergit  suo  more.  Sunt  qui  cupiunt,  Burdegalam  repetat,  spem  facientes  regnum  Christi  illic  erigendi.  Floret  collegium  in  literis,  mussitatur  aliquid  de  pietate:  hoc  putant  grande  aliquid.  Rufus  praeceptor  meus  fertur  intentus  esse  verbo  adnunciando,  eleemosynis,  ac  educandis  aliquot  in  literis.  Faxit  Christus  ut  sancte  pergat.  Vauriensis  mire  commendatur  ob  interpretationem  Pauli  iugem,  ac  iuges  conciones.  Tu  et  alii  quos  potestis  nosse  in  opere  Domini  pergere,  literis  eos  debetis  sollicitare  ut  diligentius  et  purius  pergant.  Christus  Iesus  omnes  suae  gloriae  ut  ex  animo  serviamus  faciat.  De  Geneva  nihil  certi  audio.  Cuperem  admonitos  omnes  peccata  sua  agnoscerent,  Dominum  toto  pectore  invocarent,  et  in  Domino  convenirent.  At  scis  quam  parum  pia  sit  Lutetiae  (?)  unio  rubrae  ac  viridis  factionis,  in  hoc  sese  ut  tueantur,  rursus  inter  se  conflicturae.  Tamen  id  Pauli  .  .  per  .  .  .  ionem,  3)  modo  pax  con-  3)  voces  maxime  dubiae.  Calvini  opera.  Vol.  XL