9:329  329  AD  BLANDRATAE  QUAESTIONES.  330  pater  comprehenditur.  Sicuti  quum  idem  Petrus  et  Ioannes  respondent  :  Deo  magis  quam  hominibus  obediendum  esse  (Act.  4,  19),  Christum  certe  non  excludunt:  sed  quia  indefinite,  nomen  Dei  ponunt  non  minus  Deum  in  carne  manifestatum  quam  patrem  designant.  Quod  si  cui  nimis  moroso  displiceat  'nomen  personae,  certe  apostolus  I  ad  Hebraeos  (v.  3)  per  hypostasin  nihil  aliud  intelligit,  quam  quod  nos  personam  vocamus.  Atque  illa  1)  est  relatio,  de  qua  litigant  contentiosi  homines,  ac  si  esset  humanum  commentum.  Quod  ad  precandi  formam  spectat,  illa  est  ordinaria  quae  nobis  praescribitur  in  evangelio  dum  ad  patrem  verba  dirigimus  in  Christi  nomine.  Caeterum  ubi  nulla  fit  Christi  mentio,  non  minus  sub  Dei  nomine  ad  filium  quam  ad  patrem  dirigitur  precatio,  sicuti  dilucide  patet  ex  loco  illo  Pauli:  Propterea  ter  rogavi  Dominum,  et  respondit  mihi  :  Sufficit  tibi  gratia  mea  :  quum  statim  subiiciat:  libenter  gloriabor  super  infirmitatibus  meis,  ut  inhabitet  in  me  virtus  Christi  (2  Cor.  12,  8  sq.).  Unde  sequitur  Christum  esse  Deum  illum  quem  Paulus  rogaverat.  Porro  vocem  Domini  restringere  ad  personam  mediatoris,  frivolum  est  ac  puerile,  quum  apostoli  passim  usurpent  nomen  Domini  pro  Iehovah.  Et  ne  procul  quaerendum  sit  exemplum,  non  alio  sensu  oravit  Dominum  Paulus,  quam  quo  citatur  locus  Ioelis  a  Petro  :  Quisquis  invocaverit  nomen  Domini,  salvus  erit  (Act.  2,  21).  Similiter  quum  hac  forma  precantur  discipuli:  Tu  Domine  qui  nosti  corda  omnium  (Act.  1,  24),  non  seorsum  convertunt  ad  Christum  sermonem,  quia  separatim  ei  elogium  non  quadraret:  sed  fides  illorum  Dei  essentiam  simpliciter  respicit.  Denique  ubi  nulla  est  relatio,  nomen  Dei  ad  filium  et  spiritum  sanctum  extenditur.  Si  quaeritur,  an  non  tutior  precandi  forma  sit,  dum  invocamus  patrem  in  nomine  filii?  respondeo,  sicut  iam  dixi,  hanc  esse  ordinariam  et  magis  familiarem,  quae  aptior  est  ruditati  nostrae  et  utilior.  Sed  alias  formas  quae  etiam  in  usu  fuerunt  apostolis,  et  quas  illis  spiritus  sanctus  dictavit  damnare,  sacrilegae  temeritatis  esset.  Nec  valet  illa  obiectio,  frustra  Deum  invocari  absque  mediatore  :  quia  etsi  fixum  est  illud  principium,  non  exaudiri  nos  nisi  per  gratiam  mediatoris,  non  semper  tamen  in  promptu  occurrere  necesse  est.  Quaestio  ista:  An  patrem  rogando,  rogemus  verum  Deum,  ex  ignorantia  principii  nascitur.  Neque  enim  epitheton  veri  patrem  a  filio  discernit:  quia  Dei  nomen  essentiam  illam  designat,  quae  complectitur  tres  personas:  atque  ita  inter  eas2)  1)  ita  Edd.  2)  inter  eas  om.  in  impressis.