52:329  329  CAPUT  VI.  330  terius  eniti  praedicat,  quia  nondum  apprehenderit.  Sed  quia  temere  et  frustra  currerent  homines  nisi  Deum  haberent  sui  cursus  autor  em,  i  n  ci  tan  d  ae  alacritatis  causa  meminit  etiam  v  o  c  a  t  i  o  n  i  s  .  Nihil  est  enim  quod  plus  animi  facere  nobis  debeat,  quam  dum  audimus  nos  a  Deo  vocatos.  Nam  inde  colligimus,  non  irritum  fore  laborem  nostrum  cui  praeest  Deus,  et  in  quo  nobis  manum  porrigit.  Iam  et  ista  esset  gravis  exprobratio,  Dei  vocationem  repudiasse.  Quare  hic  acerrimus  stimulus  esse  debet,  Deus  te  ad  vitam  aeternam  vocat:  cave  ne  alio  abstraharis,  aut  alioqui  deficias  priusquam  eam  fueris  consequutus.  M  confessus  bonam  confessionem.  Commemoratione  etiam  superioris  vitae  magis  ad  pergendum  stimulat.  Turpius  enim  est  deficere  postquam  recte  coeperis,  quam  nunquam  coepisse.  Ergo  hoc  argumento  acuit  Timotheum,  quod  strenue  et  cum  laude  hactenus  se  gesserit:  ut  primis  ultima  respondeant.  Confessionem  intelligo  non  verbis  conceptam,  sed  potius  re  ipsa  editam:  neque  id  semel  duntaxat,  sed  in  toto  ministerio.  Sensus  ergo  est,  Habes  praeclarae  tuae  confessionis  multos  testes  cum  Ephesi  tum  in  aliis  regionibus,  qui  te  fideliter  et  serio  in  evangelii  professione  versantem  spectarunt.  Quamobrem  tali  specimine  edito,  iam  tibi  non  licet,  nisi  cum  summo  pudore  et  dedecore,  alium  te  praestare  quam  egregium  Christi  militem.  Hinc  generaliter  docemur,  ut  quisque  nostrum  magis  excellit,  minus  esse  excusabilem  si  deficiat,  magisque  ad  recte  pergendum  Deo  obstrictum  esse.  13.  Denuntio  tibi.  Tanta  obtestationum  vehementia,  qua  Paulus  utitur,  argumento  est  quam  difficilis  sit  ac  rara  virtus,  perstare  in  evangelii  ministerio,  ut  decet,  usque  ad  extremum.  Tametsi  enim  alios  quoque  hortatur  sub  Timothei  persona:  simul  tamen  eum  compellat.  Porro  quae  de  Christo  et  Deo  praedicat  ex  circumstantia  praesentis  causae  dependent.  Nam  quum  Deo  hoc  tribuit  quod  vivificet  omnia,  vult  occurrere  crucis  offendiculo,  quae  nihil  quam  mortis  speciem  prae  se  fert.  Oculos  ergo  claudendos  esse  significat,  ubi  mortem  ostentant  ac  minantur  impii:  vel  potius  in  Deum  solum  esse  defigendos,  quia  ipse  est  qui  mortuos  restituit  in  vitam.  Summa  huc  tendit,  ut  omisso  mundi  intuitu  in  solum  Deum  respicere  discamus.  Quod  de  C  h  r  i  s  t  o  mox  subiicit,  continet  eximiam  confirmationem.  Admonemur  enim,  non  sub  Platone  aliquo  nos  philosophari,  qui  otiosas  disputationes  in  umbra  tractet:  sed  doctrinam,  quam  profitetur,  morte  filii  Dei  sancitam  esse.  Non  enim  multis  verbis  Christus  suam  confessionem  sub  P  i  l  a  t  o  ,  sed  re  ipsa  (voluntariam  scilicet  mortem  obeundo)  asseruit.  Nam  etsi  tacere  Christus  coram  Pilato  maluit,  quam  pro  sua  defensione  verbum  facere,  quia  certae  damnationi  iam  devotus  illuc  venerat:  in  eius