51:329  329  SDH  L'EPITRE  AUX  EPHESIENS.  330  Voila  donc  ce  que  nous  avons  a  retenir,  que  la  sainctete  est  un  vray  tesmoignage  de  nostre  foy.  Et  ainsi  quiconques  s'appelle  Chrestien,  il  faut  qu'il  soit  consacre  a  Dieu,  et  qu'il  ne  se  mesle,  et  ne  se  veautre  point  parmi  les  pollutions  et  ordures  de  ce  monde.  Ii  est  vray  que  nostre  sainctete  ne  sera  iamais  parfaite  cependant  que  nous  serons  en  ce  monde  :  car  nous  trainons  tousiours  nos  cordeaux  :  et  combien  que  le  peche  ne  domine  point  en  nous,  si  est-ce  qu'il  y  habite,  et  avons  un  combat  perpetuel  pour  en  venir  a  bout.  Mais  quoy  qu'il  en  soit,  si  faut-il  quand  Dieu  nous  a  sanctifiez,  que  nous  nous  appliquions  a  son  service,  que  nous  mettions  peine  de  nous  repurger  de  plus  en  plus  de  tous  vices,  et  pour  nous  dedier  tellement  a  luy,  que  nous  ne  soyons  point  comme  les  gens  profanes,  qui  se  donnent  toute  licence.  Voila  en  somme  ce  que  S.  Paul  a  voulu  dire.  Et  au  reste,  il  n'y  a  doute  qu'il  ne  face  ici  comparaison  entre  ceux  qui  sont  abysmez  en  toute  ignorance,  ou  bien  qui  sont  tellement  endurcis  qu'ils  ne  se  soucient  de  se  renger  a  l'obeissance  de  l'Evangile,  qui  bataillent  mesmes  furieusement  a  l'encontre,  et  entre  les  fideles,  qui  sont  comme  poures  brebis  escoutans  la  voix  du  bon  Pasteur.  S.  Paul  donc  condamne  ici  tous  gaudisseurs  qui  mesprisent  Dieu,  et  sont  comme  chiens  ou  bestes  brutes,  sans  aucun  sentiment  de  religion.  Quand  nous  voyons  cela,  ce  nous  sont  autant  de  miroirs  pour  nous  faire  dresser  les  cheveux  en  la  teste,  cognoissans  quels  nous  serions  si  Dieu  n'avoit  pitie  de  nous.  Et  ainsi,  quand  nons  en  voyons  qui  despitent  ainsi  Dieu  manifestement,  qui  se  iettent  a  l'abandon  en  toute  vilenie,  que  nous  cognoissions  ia  bonte  infinie  de  nostre  Dieu,  en  ce  qu'il  nous  a  separez  de  ce  reng-la.  Pourtant,  quand  nous  verrons  les  uns  estre  abrutis  en  leur  incredulite,  les  autres  estre  pleins  de  fierte,  d'amertume  et  de  rebellion  contre  l'Evangile,  cognoissons  que  nous  serions  semblables  a  eux  sinon  d'autant  que  Dieu  a  desploye  son  bras  sur  nous.  Or  maintenaut  notons  bien  ces  mots  dont  use  8.  Paul,  en  disant,  V  excellente  grandeur  de  sa  puissance,  selon  V  efficace  de  la  vertu  de  sa  force.  Il  semble  que  le  S.  Esprit  ait  ici  voulu  foudroyer  sur  ceste  opinion  diabolique  dont  le  monde  a  este  abruve  de  tout  temps,  c'est  a  scavoir  du  franc-arbi  tre.  Car  les  Payens  se  sont  eslevez  iusques  la,  de  dire  que  Dieu  les  avoit  bien  creez  pour  estre  au  monde,  et  que  c'estoit  a  luy  de  leur  donner  bonne  fortune,  comme  ils  parloyent  :  mais  que  chacun  avoit  en  sa  main  et  en  son  election  de  suivre  vertu  et  de  cheminer  en  telle  sorte  qu'il  n'y  avoit  que  redire.  Voila  donc  comme  les  Payens  ont  parti  entre  Dieu  et  eux:  ce  qui  estoit  le  moindre,  ils  l'ont  quitte  a  Dieu,  c'est  a  dire,  de  nous  mettre  ici  bas  pour  y  ramper  comme  des  grenouilles:  et  pour  parvenir