50:329  329  SUR  L'EPITRE  AUX  GALATES.  330  donc  ce  que  nous  avons  a  retenir:  c'est  que  ceste  revelation  de  laquelle  sainct  Paul  parle  ici,  ne  sera  point  commune  a  tous  autres:  mais  elle  nous  sert  pour  nous  donner  telle  certitude  de  la  doctrine  que  nous  avons  eue  par  son  moyen,  que  nous  voyons  que  c'est  nostre  Seigneur  Iesus  qui  a  parle.  Or  quand  il  exclud  ainsi  les  hommes,  c'est  pour  declarer  que  nostre  Seigneur  Iesus  Christ  ne  nous  donne  pas  quelque  instruction,  comme  si  on  enseignoit  PA,  B,  C  a  un  enfant,  et  puis  qu'on  le  baillast  a  un  maistre  plus  excellent:  nostre  Seigneur  donc  ne  parle  pas  ainsi  a  demi  a  nous:  mais  en  toute  perfection,  tellement  que  et  en  la  vie  et  en  la  mort  ii  nous  faut  tousiours  persister  a  ce  que  nous  tenons  de  luy,  et  renoncer  a  tout  ce  qui  viendra  du  coste  des  hommes:  car  tout  meslinge  ne  sera  sinon  corruption,  comme  nous  avons  declare  ce  matin.  Et  voila  pourquoy  aussi  sainct  Pierre  exhorte  ceux  qui  parlent  en  l'Eglise,  que  tousiours  ils  retiennent  la  maieste  de  Dieu,  et  qu'ils  n'amenent  rien  de  leur  propre,  qu'ils  n'avancent  rien  do  ce  qui  est  creu  en  leur  cerveau.  Car  ou  en  serons-nous  si  les  hommes  s'entremeslent  parmi  nostre  Seigneur  Iesus  Christ,  et  que  chacun  adiouste  son  morceau  et  loppin  (comme  on  dit)  et  quo  nous  ayons  un  Evangile  farci  de  ce  que  les  hommes  auront  songe  en  leurs  fantasies?  Il  n'y  aura  sinon  une  horrible  confusion.  Voila  donc  pourquoy  nostre  Seigneur  Iesus  Christ  n'a  point  son  authorite  entre  nous,  iusques  a  ce  que  les  hommes  soyent  mis  bas,  et  toutes  creatures,  et  qu'on  l'escoute  depuis  le  plus  grand  iusques  au  plus  petit.  Voila  en  somme  ce  que  nous  avons  a  retenir.  Et  de  faict  nous  voyons  comme  en  l'autre  passage,  c'est  a  scavoir  aux  Corinthiens,  sainct  Paul  declare  qu'il  a  annonce  une  sagesse  de  perfection,  quand  il  a  mis  en  avant  nostre  Seigneur  Iesus  Christ  et  que  la  on  trouvera  ce  qu'on  doit  desirer  pour  son  salut.  Et  en  l'autre  passage  aussi  aux  Ephesiens,  il  dit  que  c'est  la  ou  il  faut  appliquer  toute  nostre  estude  et  au  long  et  au  large:  qu'il  ne  faut  point  que  nous  apportions  des  menus  fatras  pour  aider  a  ce  qu'il  avoit  publie  auparavant.  Puis  qu'ainsi  est  donc,  nous  voyons  que  tous  ceux  qui  s'enveloppent  ainsi  en  ce  qui  aura  este  forge  et  invente  des  hommes,  ont  un  Iesus  Christ  desguise,  ils  ont  un  Evangile  bastard  que  Dieu  desadvoues  tellement  que  nostre  Chrestiente  ne  peut  estre,  sinon  que  nous  persistions  en  ce  qui  nous  a  este  enseigne  par  le  Fils  de  Dieu,  qui  est  nostre  maistre  unique,  et  ce  que  les  Apostres  aussi  nous  ont  enseigne  en  son  nom.  Voila  ce  que  nous  avons  a  retenir  de  ce  passage.  Or  S.  Paul  la  dessus  monstre  sa  conversation,  par  laquelle  on  peut  recueillir  que  vrayement  ii  estoit  comme  forme  de  l'Esprit  de  Dieu.  Car  un  changement  si  estrange  comme