5:329  CATECHISMUS.  pulo  Israel  spiritualem  requiem  figurare:  qua  a  [pag.  10]  propriis  operibus  feriari  debent  fideles,  ut  Dominum  in  se  operari  sinant.  Deinde  statum  diem  esse  voluit,  quo  ad  legem  audiendam,  et  eaeremonias  peragendas,  convenirent.  Tertio  servis,  et  iis  qui  sub  aliorum  imperio  degerent,  quietis  diem  indulgendum  censuit,  quo  aliquam  haberent  a  labore  remissionem.  Quantum  ad  primam  causam,  non  dubium  quin  in  Christo  cessaverit.  Ille  enim  est  veritas,  cuius  praesentia  figurae  omnes  evanescunt:  corpus,  cuius  adventu  umbrae  relinquuntur.  Ideo  sabbatum  umbram  rei  futurae  fuisse  affirmat  Paulus  (Col.  2,  17):  cuius  veritatem  alibi  (Rom.  6,  8)  explicat,  dum  nos  Christo  consepultos  esse  docet,  ut  per  eius  mortem  carnis  nostrae  corruptioni  emoriamur.  Id  autem  fit  non  uno  die,  sed  toto  vitae  nostrae  cursu,  donec  penitus  nobismet  ipsis  mortui,  Dei  vita  impleamur.  A  christianis  ergo  abesse  debet  dierum  superstitiosa  observatio.  Sed  quoniam  duae  posteriores  causae  veteribus  umbris  annumerari  non  debent,  sed  saeculis  omnibus  peraeque  conveniunt:  abrogato  sabbato,  inter  nos  tamen  etiamnum  locum  istud  habet,  ut  statis  diebus  ad  audiendum  verbum,  ad  mystici  panis  fractionem,  ad  publicas  orationes  conveniamus:  deinde,  ut  servis  et  operariis  sua  detur  a  labore  remissio.  Non  enim,  quae  nostra  est  infirmitas,  obtineri  potest,  ut  eiusmodi  conventus  singulis  diebus  agantur.  Quamobrem,  quod  ad  evertendam  superstitionem  expediebat,  sublatus  est  Iudaeis  observatus  dies:  quod  ordini  ac  paci  in  ecclesia  retinendae  necessarium  erat,  alter  in  eum  usum  destinatus  est.  Ut  ergo  sub  figura  Iudaeis  tradebatur  veritas,  ita  nobis  sine  umbris  commendatur.  Primo,  ut  perpetuum  tota  vita  sabbatismum  meditemur  a  [pag.  11]  nostris  operibus,  quo  Dominus  in  nobis,  per  suum  spiritum,  operetur.  Deinde,"  ut  legitimum  ecclesiae  ordinem  ad  verbum  audiendum,  ad  sacramentorum  administrationem,  ad  publicas  orationes  constitutum  observemus.  Tertio,  ne  nobis  subditos  inhumaniter  premamus.  Honora  patrem  et  matrem,  ete.  Quo  pietas  erga  parentes,  et  eos  qui  parentum  vice  nobis,  ordinatione  Domini,  praesunt,  ut  magistratus,  nobis  praecipitur,  nempe  ut  summa  reverentia,  obedientia,  gratitudine,  et  quibus  possumus  officiis,  ipsos  prosequamur.  Nam  haec  est  Domini  voluntas,  ut  mutuam  vicem  his  rependamus,  qui  nos  in  hanc  vitam  sustulerunt.  Nec  interest,  dignine  an  indigni  sint,  quibus  honor  iste  deferatur.  Nam  qualescunque  sint,  parentum  loco  nobis  a  Domino  praefecti  sunt,  qui  eos  honorari  voluit.  Et  hoc  quidem  est  mandatum  primum  cum  promissione,  ut  inquit  Paulus  (Eph.  6,  2),  qua  dum  praesentis  vitae