49:329  329  CAPUT  I.  330  26.  Videte  vocationem.  Quia  modus  verbi  graeci  ambiguus  est,  et  contextui  non  minus  bene  quadrat  indicativus  quam  imperativus:  permitto  arbitrio  lectoris,  utrum  malit  eligere.  Sensus  tamen  idem  utroque  modo  constat:  nam  dicendo  videtis,  eos  appellaret  testes  ceu  rei  manifestae,  et  quasi  in  rem  praesentem  adduceret:  per  imperativum  autem  excitat,  quasi  torpentes,  ad  rem  ipsam  considerandam.  Vocatio  collective  potest  accipi  pro  multitudine  vocatorum,  hoc  sensu:  videtis  quales  Dominus  apud  vos  vocaverit.  Ego  tamen  huc  magis  inclino,  ut  vocandi  rationem  designari  putem:  est  autem  validissimum  argumentum,  quia  inde  sequitur,  si  humilitatem  crucis  spernant,  eos  quodammodo  vocationem  suam  irritam  facere,  in  qua  hunc  modum  tenuerat  Deus,  ut  humanae  tum  sapientiae,  tum  potentiae,  tum  gloriae  omnia  derogaverit.  Tacite  ergo  eos  ingratitudinis  insimulat  quod  et  Dei  gratiam  et  se  ipsos  obliti  Christi  evangelium  fastidiant.  Quamquam  duo  sunt  hic  observanda,  quod  exemplo  Corinthiorum  confirmare  voluerit  verum  esse  quod  dixerat:  deinde  eos  admonere  voluerit,  fastum  omnem  prorsus  exuendum  esse,  si  ordinem,  quem  Dominus  in  ipsorum  vocatione  tenuerat,  probe  expendant.  Pudefacere  sapientes  et  nobiles  dixit:  ea  autem  quae  sunt,  abolere  :  apte  utrumque.  Nam  evanescunt  fortitudo  et  sapientia  ubi  pudefiunt:  essentiam  autem  aboleri  oportet.  Electionem  pauperum  et  stultorum  et  ignobilium  intelligit,  quod  Deus  eos  magnis,  et  sapientibus,  et  nobilibus  praetulerit.  Non  enim  satis  hoc  erat  ad  retundendam  carnis  arrogantiam,  si  omnes  Deus  aequasset:  itaque  qui  videbantur  excellere,  eos  posthabuit,  ut  vere  in  ordinem  ipsos  redigeret.  Porro  insulsus  fuerit  qui  inde  colliget,  sic  prostratam  esse  a  Deo  carnis  gloriam,  ut  praeclusa  sit  spes  salutis  magnis  et  nobilibus.  Sunt  quidam  inepti  homines  qui  hoc  praetextu  non  tantum  insultant  magnis,  quasi  a  Deo  sint  abiecti:  sed  eos  quoque  prae  se  despiciunt.  Sed  meminerimus  hoc  Corinthiis  esse  dictum,  qui,  quum  in  mundo  non  adeo  ominerent,  nihilominus  etiam  sine  occasione  superbiebant.  Deus  ergo  fortes  et  prudentes  et  magnos  pudefaciendo,  non  extollit  ad  superbiam  infirmos  et  idiotas  et  abiectos  homines:  sed  omnes  simul  ad  unum  humiliat.  Proinde  qui  coram  mundo  sunt  despicabiles,  ita  secum  reputent  :  quantum  a  nobis  modestiae  requiritur,  quum  ne  iis  quidem,  qui  gloriosi  sunt  coram  mundo,  quidquam  reliquum  fiat?  si  solis  fulgor  obruitur,  quid  stellis  fiet?  si  stellarum  lumen  exstinguitur,  quid  fiet  rebus  obscuris?  Haec  eo  spectant,  ne,  qui  vocati  sunt  a  Domino,  quum  nullius  essent  in  mundo  pretii,  his  Pauli  verbis  abutantur  ad  erigendas  cristas:  sed  potius  illius  exhortationis  memores  (Rom.  l  l  ,  20):  Tu  fide  stas,  vide  ne  animo  efferaris,  sed  time:  cum  timore  et  humilitate  solliciti  ambulent  in  con-  Calvini  opera.  Vol  XLIX.