41:329  329  SUR  LE  V.  CHAP.  DE  DANIEL.  330  Chaldeens,  il  en  avoit  prononce  ia  sentence,  et  faut  qu'elle  s'execute  en  temps  opportun.  Aprenons  donc  de  ne  point  abuser  de  la  patience  de  Dieu,  car  apres  qu'il  aura  long  temps  dissimule,  il  faudra  qu'il  leve  la  main  sur  nous,  et  qu'il  nous  la  face  sentir  a  bon  escient.  Or  cependant  nous  avons  a  noter  que  si  Dieu  ba  puni  si  griefvement  le  peche  de  Balsazar,  d'autant  qu'il  avoit  prophane  les  vaisseaus  du  temple  (qui  neantmoins  estoient  corruptibles)  que  la  punition  sera  plus  horrible,  sur  ceux  qui  auront  prophane  les  vrais  temples  de  Dieu,  les  vaisseaus  qui  estoient  dedies  a  son  service,  c'est  a  dire,  les  Sacremens  qu'il  ha  ordonnes.  Auiourd'huy  nous  n'avons  plus  les  umbres  de  la  Loy  comme  les  Peres  anciens,  mais  nous  avons  la  verite  de  ces  figures  la,  c'est  a  scavoir,  qu'un  chacun  de  nous  est  le  temple  de  Dieu,  habitacle  du  Sainct  Esprit,  et  puis  en  general  quant  au  regard  de  l'Eglise  universelle,  et  de  tout  le  corps,  nous  sommes  comme  pierres  vives,  desquelles  le  temple  de  Dieu  est  basti,  estans  tous  conioincts  a  un  chef,  qui  est  nostre  Seigneur  Iesus  Christ.  Si  donc  maintenant  un  homme  s'addonne  a  gourmandise,  ou  a  paillardise,  ou  a  quelque  autre  vice,  que  fait-il?  il  prophane  le  temple  de  Dieu,  et  en  fait  une  estable  a  pourceaus,  il  abuse  des  vaisseaus  du  temple  qui  sont  les  Sacremens  que  Dieu  ha  ordonnes  en  son  Eglise,  et  mesmes  connoissons  que  le  Baptesme  et  la  Cene  ne  sont  pas  seulement  les  vaisseaus  pour  servir  au  temple  de  Dieu,  mais  qu'ils  sont  comme  la  consecration  solemnelle,  par  laquelle  nous  sommes  dedies  au  service  de  Dieu,  car  estans  baptizes  ne  portons-nous  point  la  marque  de  nostre  Seigneur  Iesus  Christ?  Pourrons  nous  point  faire  protestation  et  dire  que  nous  sommes  siens?  Quand  donc  les  hommes  s'abandonneront  a  toute  iniquite,  que  font-ils  autre  chose  que  d'effacer  leur  baptesme?  C'est  a  dire,  qu'ils  foulent  aux  pieds  non  seulement  la  marque  du  baptesme,  mais  le  sang  de  nostre  Seigneur  Iesus  Christ.  Ceus  qui  viendront  a  la  Cene  de  nostre  Seigneur,  et  cependant  sont  contempteurs  de  sa  parole,  les  uns  pleins  de  dissolution  et  de  scandale,  les  autres  pleins  de  paillardise,  les  uns  remplis  d'ambition  et  d'orgueil,  les  autres  d'envie,  de  haine,  et  de  rancune,  les  autres  adonnes  a  leur  avarice,  et  ie  vous  prie  quelle  condamnation  est-ce  qu'ils  meritent?  Or  ils  j  pensent  bien  peu,  mais  si  faut  il  que  nous  y  pensions  de  nostre  coste,  et  que  nous  avisions  quand  nous  aurons  condamne  Balsazar  (comme  il  en  est  digne)  d'avoir  prophane  les  vaisseaus  du  temple  de  Ierusalem  qui  avoient  este  dedies  au  service  de  Dieu,  qui  se  faisoit  soubs  la  Loy,  que  nous  soions  enveloppes  en  une  mesme  condamnation,  voire  et  plus  griefve  beaucoup,  quand  nous  n'aurons  tenu  comte  de  nostre  baptesme,  ni  de  la  saincte  Cene  de  nostre  Seigneur  Iesus  Christ,