9:328  Hinc  sequitur  quaerendum  esse  Deum,  in  cuius  essentia  comprehenduntur  tres  personae:  et  tamen,  ubi  in  medium  prodit  Christus,  Deum  vere  et  proprie  vocari  patrem  Iesu  Christi,  quia  tunc  mediatoris  gradum  obtinet  Christus,  ut  nos  ad  Deum  attollat,  et  ita  ad  se  ipsum.  Quod  ad  locum  illum  (Ioann.  20,  17)  attinet:  Ascendo  ad  patrem  meum  et  patrem  vestrum,  confirmat  et  apertius  declarat  quod  iam  dixi,  ubi  Christus  loquitur  in  mediatoris  persona,  quodammodo  descendere  infra  Deum,  ut  nobis  sit  propior.  Sed  hoc  non  obstat,  quo  minus  ipse  quoque  verus  sit  Deus  noster.  Nam  quod  dicit  Thomas,  non  aliunde  quam  ex  eius  ore  didicerat:  Dominus  meus  et  Deus  meus.D  e  nomine  personae  ita  breviter  respondeo,  necessitate  esse  invectum  ad  detegendas  eorum  fraudes,  qui  hoc  fidei  principium  astute  subvertere  moliebantur.  Interea  obiicere  sententias,  ubi  se  Christus  a  patre  distinguens  hac  voce  abstinet,  putidum  est  cavillum.  Neque  enim  hac  loquendi  forma  in  communi  sermone  utimur:  Persona  patris  salutem  nobis  contulit  per  filii  personam,  sed  ubi  distinctionem  exprimere  volumus,  quae  est  inter  patrem  et  filium.  Quod  ad  Christi  dictum  spectat:  Haec  est  vita  aeterna,  ut  credant  in  te  verum  Deum,  ete.  (Ioann.  17,  3)  si  eius  praetextu  restringi  debeat  vera  divinitas  ad  unum  patrem:  mentitus  esset  Ioannes  dicendo:  Hic  est  verus  Deus  et  vita  aeterna  (1  Ioann.  5,  20).  Unicam  vero  essentiam  in  tribus  personis  non  fuisse  a  Christo  patefactam,  falsissimum  est.  Nam  quum  nos  voluit  baptizari  in  nomine  patris  et  filii  et  spiritus  sancti,  has  certe  personas  distincte  posuit,  quas  extra  Dei  essentiam  quaerere  nefas  est.  Iam  ubi  Ioannes  dicit,  sermonem  ab  initio  fuisse  Deum  (Ioann.  1,  1),  certe  non  lacerat  Dei  essentiam:  sed  clare  docet  unum  et  eundem  fuisse  Deum  cum  patre.  Ubi  vero  statim  subiicit,  fuisse  apud  Deum,  vel  caecis  ipsis  monstratur  distinctio.  Item  quum  Christus  ipse  postulat  manifestari  gloriam,  quam  initio  habuit  apud  patrem  ante  creationem  mundi  (Ioann.  17,  5),  certe  personam  sibi  tribuit  peculiarem,  et  interea  eandem  sibi  essentiam  cum  patre  vendicat:  quia  Dei  gloria  et  maiestas  separari  ab  essentia  non  potuit.  Similiter  quum  Petrus  dicit  Ananiae  :  Cur  mentitus  es  spiritui  sancto?  non  hominibus  mentitus  es,  sed  Deo  (Act.  5,  3  sq.):  distinctionem  palam  notat:  et  sub  Dei  nomine,  quod  opponitur  hominibus,  *)  non  minus  Christus  ipse  et  spiritus,  quam  1)  Verba  distinctionem  hominibus  exciderunt  in  impressis.