52:328  confessus  bonam  confessionem  coram  multis  testibus.  13.  Denuntio  tibi  coram  Deo,  qui  vivificat  omnia,  et  Christo  Iesu,  qui  testificatus  est  bonam  confessionem  coram  Pontio  Pilato,  14.  ut  serves  mandatum  immaculatus  et  irreprehensibilis,  usque  ad  revelationem  Domini  nostri  Iesu  Christi:  15.  quam  suis  temporibus  manifestabit  beatus  et  solus  princeps,  rex  regnantium  et  dominus  dominantium,  16.  qui  solus  habet  immortalitatem,  qui  lumen  habitat  inaccessum,  quem  vidit  nullus  hominum,  nec  videre  potest,  cui  honor  et  potentia  aeterna.  Amen.  11.  Tu  vero,  o  homo  Dei,  haec  fuge.  Hominem  Dei  vocando,  pondus  addit  cohortationi.  Porro  si  ad  proximam  sententiam  restringere  placet  quod  de  sectanda  iustitia,  pietate,  fide,  patientia  praecipit,  remedium  opponit  corrigendae  avaritiae,  admonens  scilicet  quales  appetere  divitias  debeat,  nempe  spirituales.  Potest  tamen  ad  alia  quoque  membra  extendi  haec  praeceptio,  ut  se  ab  omni  vanitate  subducens  Timotheus,  illam,  quae  nuper  damnata  est,  Tcspcspytav  fugiat.  Nam  qui  necessariis  studiis  erit  intentus,  supervacuis  facile  abstinebit  Nominat  autem  quasdam  virtutum  species  exempli  causa,  sub  quibus  alias  etiam  intelligere  convenit.  Ergo  quisquis  iustitiae  studio  tenebitur,  et  ad  pietatem,  fidem,  caritatem  adspirabit,  tolerantiam  et  mansuetudinem  sectabitur:  fieri  non  poterit  quin  ab  avaritia  eiusque  fructibus  abhorreat.  12.  Certa  bonum  certamen.  Quemadmodum  in  proxima  epistola  dicet  (2.  Tim.  2,  4),  Qui  militiae  nomen  dedit,  non  implicatur  alienis  a  sua  professione  negotiis.  Itaque  ut  Timotheum  retrahat  a  nimia  rerum  terrestrium  cura,  certandum  esse  admonet.  Nam  inde  securitas  et  indulgentia,  quod  maior  pars  in  otio  quasi  per  lusum  Christo  servire  vult,  quum  servos  omnes  suos  Christus  ad  militiam  vocet  Quo  autem  eum  animet  ad  obeundum  fortiter  eiusmodi  certamen,  bonum  appellat:  hoc  est  felix,  et  ideo  minime  fugiendum.  Nam  si  dubio  eventu  et  cum  mortis  periculo  pugnare  non  dubitant  terreni  milites,  quanto  meliore  animo  certare  nos  convenit  sub  Christi  auspiciis  et  vexillo,  postquam  de  victoria  certi  sumus?  Praesertim  quum  nos  praemium  maneat  non  quale  militibus  suis  persolvere  solent  alii  imperatores:  sed  gloriosa  immortalitas  et  coelestis  beatitudo.  Indignum  sane  foret,  tali  spe  proposita  nos  fatigari  vel  labascere.  Atque  id  est  quod  continuo  post  subiicit.  Apprehende  vitam  aeternam.  Perinde  enim  est,  ac  si  diceret:  Deus  ad  vitam  aeternam  te  vocat:  igitur  contempto  mundo  illuc  enitere.  Apprehendere  autem  quum  ipsam  iubet,  vetat  in  medio  cursu  cessare  aut  pigrescere.  Ac  si  diceret,  nihil  actum  esse  donec  futuram  vitam  adepti  simus,  ad  quam  nos  Deus  invitat.  Sic  et  Philipp,  capite  3,  12,  se  ul-