50:328  dent  estre  les  plus  excellens,  soyent  abatus  et  aneantis  du  tout,  et  que  tout  soit  captive  sous  l'obeissance  de  l'Evangile.  Et  voila  pourquoy  sainct  Paul  pour  approuver  sa  doctrine,  declare  qu'elle  n'est  point  venue  des  hommes,  qu'il  ne  l'a  point  apprise  en  leur  eschole;  mais  qu'il  la  tient  de  nostre  Seigneur  Iesus  Christ,  duquel  le  Pere  a  prononce  qu'on  l'escoute:  car  ce  titre-la  luy  est  special,  et  ne  doit  point  estre  communique  ni  a  homme,  ni  a  Ange  de  Paradis.  Il  faut  bien  que  les  hommes  qui  parlent  comme  organes  de  nostre  Seigneur  Iesus  Christ  soyent  escoutez  :  mais  (comme  desia  nous  avons  declare)  cela  n'est  point  pour  amoindrir  l'authorite  qu'il  a  sur  nous.  Quoy  qu'il  en  soit,  voici  une  reigle  certaine  et  infaillible  pour  parvenir  a  salut,  c'est  que  nostre  Seigneur  Iesus  soit  luy  seul  maistre  et  docteur,  et  que  nous  soyons  dociles  pour  accepter  sa  Parole  sans  contredit  ou  replique.  Et  sainct  Paul  ne  se  contente  pas  de  dire  qu'il  tient  de  Iesus  Christ  ce  qu'il  a  publie:  mais  il  reiette  ici  et  exclud  les  hommes,  pour  monstrer  que  leur  authorite  ne  soit  point  suffisante  pour  avoir  un  fondement  et  appuy  de  nostre  foy.  Car  nous  serons  tousiours  en  branle,  iusques  a  ce  que  nous  soyons  venus  a  Dieu,  et  a  celuy  lequel  il  nous  a  establi  comme  chef  et  souverain  docteur  par-dessus-nous.  Or  quand  sainct  Paul  dit  qu'il  declare  cela,  ce  n'est  pas  qu'auparavant  les  Galatiens  et  les  autres  n'eussent  entendu  le  semblable:  mais  il  y  a  eu  de  l'ingratitude,  tellement  qu'on  les  avoit  enveloppez  en  beaucoup  d'erreurs  et  de  tromperies.  Il  les  ramene  donc  a  la  source,  comme  s'il  disoit,  iusques  a.  ce  que  les  hommes  ayent  prins  ceste  conclusion  de  se  laisser  gouverner  simplement  par  la  pure  parole  de  Dieu,  qu'ils  seront  tousiours  en  branle:  et  que  si  tost  que  le  diable  aura  dresse  quelque  trouble,  qu'ils  seront  confus  et  ne  scauront  ou  se  tourner.  Il  faut  donc  qu'en  premier  lieu  nous  soyons  asseurez  que  nous  tenons  de  Dieu,  et  non  point  des  hommes,  la  doctrine  sur  laquelle  nostre  foy  est  appuyee.  Vray  est  que  ceste  revelation  qui  a  este  donnee  a  sainct  Paul,  ne  sera  pas  commune  a  tous  :  mais  il  nous  doit  bien  suffire  que  nostre  Seigneur  Iesus  Christ  ayant  ratifie  l'Evangile  par  son  propre  sang,  ayant  aussi  commande  a  ses  Apostres  de  le  publier,  leur  a  donne  telle  approbation  que  la  doctrine  que  nous  tenons  d'eux  est  authentique,  et  qu'il  n'y  a  plus  aucun  doute:  cela  (di-ie)  nous  doit  bien  suffire  pour  nous  tenir  comme  enserrez,  et  que  nous  ne  donnions  nul  acces  a  tout  ce  que  les  hommes  nous  pourront  mettre  en  avant.  Mais  qu'il  nous  sodvienne  aussi  de  ce  qui  nous  est  remonstre  par  l'Apostre  au  premier  chapitre  des  Hebrieux,  que  Dieu  finalement  a  parle  par  la  bouche  de  son  propre  Fils,  a  fin  que  nous  ayons  toute  perfection  de  doctrine  en  luy.  Voila