5:328  Non  facies  tibi  sculptile  nec  similitudinem  ,  ete.  Quemadmodum  proximo  mandato,  Deum  se  unum  esse  pronunciavit,  ita  nunc  qualis  sit,  et  quomodo  colendus,  denunciat.  Prohibet  ergo,  ne  similitudinem  ullam  sibi  affingamus.  Cuius  rei  rationem  reddit  Deut.  4.  et  apud  Iesaiam  (40,  18):  quia  nil  simile  spiritui  cum  corpore.  Tum  deinde  vetat,  ne  quam  imaginem,  religionis  cauda,  honoremus.  Discamus  ergo  ex  hoc  praecepto,  spiritualem  esse  Dei  cultum:  quia  ut  ipse  spiritus  est,  ita  coli  postulat  in  spiritu  et  veritate  (Ioann.  4,  23).  Subiicit  autem  horribilem  comminationem,  qua  innuit  quam  graviter  huius  mandati  transgressione  offendatur.  Ego  sum  Dominus  Deus,  ete.l)  Hoc  vero  perinde  est,  ac  si  diceret,  se  solum  esse,  %n  quo  haerere  debeamus,  nec  consortem  ferre  posse,  vindicem  etiam  futurum  suae  maiestatis  ac  gloriae:  si  qui  eam  ad  sculptilia  aut  res  alias  transferant,  neque  id  brevi  aut  simplici  [pag.  9]  vindicta,  sed  quae  in  filios,  nepotes  et  pronepotes  sit  protendenda  :  qui  scilicet  paternae  impietatis  imitatores  erunt.  Quemadmodum  perpetuam  quoque,  in  longam  posteritatem,  iis  misericordiam  ac  benignitatem  suam  exhibet,  qui  se  diligunt,  ac  legem  suam  custodiunt.  Ubi  misericordiae  suae  amplitudinem  nobis  commendat,  quam  in  mille  generationes  extendit:  quum  generationes  duntaxat  quatuor  vindictae  assignarit.  Non  usurpabis  nomen  domini  Dei  tui  in  vanum.  Ubi  vetat,  ne  sacro  suo  nomine  in  iuramentis,  vel  ad  inanes  nugas,  vel  ad  confirmanda  mendacia,  abutamur.  Iuramenta  enim  non  nostrae  vel  libidini,  vel  voluptati,  sed  iustae  necessitati  servire  debent:  ubi  vel  Domini  gloria  vindicanda,  vel  asserendum  quod  in  aedificationem  spectet.  Ac  omnino  prohibet,  ne  sacrum  suum  nomen  ulla  in  re  polluamus,  quin  potius  ipsum  reverenter  et  cum  summa  dignitate,  pro  eius  sanctitate,  usurpemus,  sive  iuremus,  sive  quemcunque  de  eo  sermonem  habeamus.  Quando  autem  potissimus  usus  usurpandi  huius  nominis  invocatione  continetur,  eam  nobis  hic  praecipi  intelligamus.  Demum  poenam  edicit,  ne  ultionem  se  effugere  posse  confidant,  qui  periuriis  aliisque  blasphemiis  sanctitatem  sui  nominis  profanarint.  Recordare  diei  Sabbati^  ete.  Tres  faisse  huius  mandati  causas  observamus.  Voluit  enim  Dominus,  &ub  diei  septimi  quiete  poli)  Instit  pag.  bi  (Ld.  1536).