49:328  finem  petebant,  neque  modum  adhibebant,  neque  illis  rite  utebantur.  Nam  quum  adiuvari  miraculis  debeat  fides,  hoc  tantum  captabant  quomodo  manerent  in  sua  incredulitate.  Quum  legem  Deo  praescribere  sit  nefas,  illi  improbo  desiderio  lasciviebant.  Quum  miracula  dirigere  nos  ad  Christi  et  spiritualis  Dei  gratiae  cognitionem  debeant,  illis  erant  obstaculo,  Hac  etiam  de  causa  obiurgat  eos  Christus.  Generatio,  inquit],  (Marc.  8,  12)  perversa  signum  quaerit.  Nam  nec  eorum  curiositati  importunoque  desiderio  ullus  erat  modus  :  et  quoties  impetraverat  miracula,  nullus  profectus  inde  exstabat.  24.  Tam  Graecis  quam  Iudaeis.  Hoc  antitheto  demonstrat,  quod  tam  male  accipitur  Christus,  neque  suo  vitio,  aut  universali  hominum  genio  hoc  fieri:  sed  in  causa  esse  eorum  pravitatem,  qui  illuminati  a  Deo  non  essent.  Dei  enim  electos,  sive  ex  Iudaeis  essent,  sive  ex  gentibus,  nullo  offendiculo  impediri  quominus  ad  Christum  accederent,  ut  in  eo  invenirent  certam  salutem.  Potentiam  opponit  scandalo,  quod  ex  humilitate  oriebatur  :  sapientiam  stultitiae.  Haec  igitur  summa  est*:  Scio  Iudaeorum  pervicaciam  non  moveri  nisi  signis  :  Graecorum  vero  fastum  non  demulceri  nisi  inani  sapientiae  specie.  Verum  hoc  nihili  facere  debemus:  quandoquidem  utcunque  Christus  noster  cum  crucis  suae  humilitate  Iudaeos  offendat,  a  Graecis  autem  derideatur:  est  tamen  electis  omnibus,  ex  quacunque  sint  gente,  tam  virtus  Dei  in  salutem  ad  haec  offendicula  superanda,  quam  sapientia  ad  excutiendam  illam  larvam.  25.  Nam  stultitia  Deu  Ubi  sic  nobiscum  agit  Dominus  ut  videatur  ineptire,  quia  sapientiam  suam  non  profert,  quod  tamen  videtur  stultitia,  omnem  hominum  solertiam  sapientia  superat.  Et  ubi  Deus  virtutem  suam  occultando  infirmiter  agere  videtur,  robustior  est  tamen  illa  quae  putatur  imbecillitas  quavis  hominum  virtute.  Semper  autem  in  his  verbis  notanda  est  quam  nuper  attigi  concessio.  Nemini  enim  obscurum  est  quam  improprie  vel  stultitia  vel  infirmitas  Deo  adscribatur:  sed  necesse  fuit  talibus  ironiis  insanam  carnis  arrogantiam  refutare,  quae  Deum  omni  sua  gloria  spoliare  non  dubitat.  26.  Videte  vocationem  vestram,  fratres,  quod  non  multi  sapientes  secundum  carnem,  non  multi  potentes,  non  multi  nobiles:  27.  Sed  stulta  mundi  elegit  Deus,  ut  sapientes  pudefaciat:  et  infirma  mundi  elegit  Deus,  ut  pudefaciat  fortia:  28.  et  ignobilia  mundi  et  contempta  elegit  Deus,  et  ea  quae  non  erant,  ut  quae  erant,  aboleret:  29.  ne  glorietur  ulla  caro  coram  Deo.  30.  Ex  ipso  vos  estis  in  Christo  Iesu,  qui  factus  est  nobis  sapientia  a  Deo,  et  iustitia,  et  sanctificatio,  et  redemptio:  31.  ut  {quemadmodum  scriptum  est),  qui  gloriatur,  in  Domino  glorietur.