41:328  hommes  demeurent  endurcis,  qu'ils  prenent  encores  plus  grande  licence  de  la  a  mal-faire,  c'est  pour  agraver  leur  condemnation,  et  ainsi  en  est-il  advenu.  Voila  Dieu  qui  est  patient  quand  il  souffre  que  les  vaisseaus  soient  ainsi  transportes  du  temple,  quand  ils  sont  enclos  aus  thresors  du  Roy:  mais  Balsazar  vient  iusques  a  l'extremite,  et  alors  il  faut  que  Dieu  leve  la  main.  Et  pourtant  il  faut  que  la  punition  en  soit  plus  horrible,  car  il  n'est  point  transporte  avec  les  bestes  comme  son  grand  Pere  Nabuchodonozor,  mais  son  Royaume  est  destruit  du  tout,  et  luy  est  oste.  Et  ainsi  Dieu  ameine  toutes  ses  choses,  a  cause  qu'il  l'avoit  ainsi  ordonne  auparavant,  car  devant  que  le  peuple  fust  venu  en  Babilonne,  c'est  a  dire,  que  la  ville  de  Ierusalem  fust  rasee,  et  que  le  Royaume  fust  aboli  en  Iuda:  Voila  le  Prophete  Hieremie  qui  dit  que  ceste  captivite  ne  durera  que  soixante  et  dix  ans/  comme  ce  terme  leur  est  assigne.  Or  ceux  qui  estoient  captifs,  au  lieu  de  comter  les  ans,  et  s'appuier  sur  cette  promesse  qui  leur  avoit  este  faite,  venoient  a  se  desesperer.  C'est  bien  a  propos,  Nous  sommes  icy  comme  en  un  sepulchre,  et  cependant  nous  esperons  d'en  sortir:  et  quelle  raison  y  ha  il?  Voila  comme  ces  malheureux  reiettoient  la  grace  de  Dieu  par  leur  incredulite,  et  mesprisoient  tous  les  tesmoignages  qui  leur  estoient  donnes  par  les  Prophetes.  Et  voila  aussi  pourquoy  cette  vision  qui  est  contenue  au  trenteseptieme  d'Ezechiel  luy  est  donnee,  que  Dieu  l'ha  mene  en  un  champ  ou  il  luy  monstre  des  os  qui  estoient  secs.  Puis  il  luy  dit  qu'il  prophetise  sur  ces  os,  en  disant:  Os,  receves  la  parole  du  Seigneur,  Voici,  ie  ferai  entrer  en  vous  l'esprit  et  vivres.  Quand  le  Prophete  Ezechiel  ha  cette  vision,  c'est  a  fin  de  monstrer  l'iniquite  du  peuple  qui  s'estoit  ferme  la  porte  a  cette  redemption  qui  luy  estoit  promise.  Tant  y  ha  que  Dieu  ne  pouvoit  pas  estre  empesche  d'accomplir  sa  promesse,  par  la  faute  de  ceus  qui  en  devoient  iouir,  mais  d'autant  qu'il  est  fidele,  qu'il  est  immuable  en  son  propos:  II  dispose  tellement  les  choses,  qu'au  bout  du  temps  voila  Balsazar  qui  est  iette  en  confusion,  et  le  Royaume  de  Babilonne  est  transporte,  et  y  ha  changement.  Et  par  le  moien  de  ces  deux  Roys  Darius  et  Cyrus,  Dieu  fait  que  le  peuple  est  remis  en  sa  liberte,  qu'il  iouist  de  cette  grace  qu'il  luy  avoit  promis  auparavant.  Voila  donc  quant  a  cest  article,  c'est  a  scavoir,  qu'il  y  ha  une  tentation  bien  grande  pour  les  pauvres  fideles,  voians  que  Dieu  estoit  ainsi  moque,  que  toute  la  religion  estoit  vijipendee,  et  exposee  a  un  opprobre  si  vilain:  mais  Dieu  y  prevoit  et  y  remedie,  voire  quand  le  temps  est  venu.  Or  comme  nous  avons  dit,  il  est  patient  iusques  au  bout,  mais  ce  n'est  pas  a  dire  que  quand  il  ha  dissimule,  qu'il  mette  en  oubly  les  iniquites  des