1:328  [A  31;  B  28;  C  28.  dinem,  sine  qua  hominis  ingenium  immensa  confusione  repleri  necesse  est,  ne  olfecerunt  quidem  unquam.  Ad  hanc  ergo  veritatem  nec  appropinquat,  nec  contendit,  nec  collimat  humana  ratio,  ut  intelligat  quis  sit  verus  Deus,  qualisve  erga  nos  esse  velit.  38.  Sed  quia  falsa  perspicaciae  nostrae  opinione  ebrii  aegerrime  nobis  persuaderi  sinimus,  illam  in  rebus  divinis  caecam  prorsus  esse  et  stupidam,  satius,  opinor,  fuerit  scripturae  testimoniis  quam  rationibus  id  comprobare.  Hoc  pulcherrime  docet  Ioannes,  quum  scribit  (Ev.  1,  4)  in  Deo  ab  initio  fuisse  vitam,  et  eam  vitam  quae  esset  lux  hominum;  lucem  hanc  in  tenebris  lucere  et  a  tenebris  non  comprehendi.  Indicat  quidem  hominis  animam  fulgore  divinae  lucis  irradiari,  ut  nunquam  plane  aliqua  eius  vel  flamma,  1)  vel  saltem  scintilla  destituatur;  sed  ea  tamen  illuminatione  Deum  non  comprehendere.  Our  id?  Quia  eius  acumen,  quantum  ad  Dei  notitiam,  mera  est  caligo.  Quum  enim  spiritus  homines  appellat  tenebras,  eos  semel  spoliat  omni  spiritualis  intelligentiae  facultate.  Quare  fideles,  qui  Christum  amplectuntur,  non  ex  sanguinibus,  neque  ex  voluntate  carnis  aut  viri,  sed  ex  Deo  natos  asserit  (ibid.  13).  Quasi  diceret:  non  esse  tam  sublimis  sapientiae  capacem  carnem,  ut  Deum,  et  quod  Dei  est,  suscipiat,  nisi  Dei  spiritu  illuminetur.  Quemadmodum  testabatur  Christus  (Matth.  16,  17),  hanc  specialem  esse  patris  revelationem  quod  a  Petro  agnosceretur.  39.  Si  persuasum  nobis  foret  (quod  extra  controversiam  esse  debet)  naturae  nostrae  deesse  quidquid  Dominus  electis  suis  per  spiritum  regenerationis  confert,  hic  nulla  esset  haesitandi  materia.  Sic  enim  loquitur  populus  fidelis,  apud  prophetam  (Psal.  36,  10):  quoniam  apud  te  est  fons  vitae  et  in  lumine  tuo  videbimus  lumen.  Idem  testatur  apostolus  quum  ait  (1  Cor.  12,  3)  neminem  posse  dicere  Dominum  Iesum,  nisi  in  spiritu  sancto.  Et  Ioannes  baptista,  stuporem  discipulorum  videns,  exclamat  (Ioan.  3,  27)  neminem  posse  accipere  quidquam,  nisi  datum  illi  fuerit  desuper.  Donum  autem  ab  eo  intelligi  de  speciali  illuminatione,  non  communi  naturae  dote,  inde  constat,  quod  tot  verbis,  quibus  Christum  commendarat  discipulis  suis,  nihil  se  profecisse  conqueritur.  Video,  inquit,  verba  nihil  esse  ad  mentes  hominum  de  rebus  divinis  imbuendas,  nisi  Dominus  per  spiritum  suum  intelligentiam  dederit.  Quinimo  Moses,  dum  populo  exprobrat  suam  oblivionem,  simul  tamen  notat,  non  aliter  ipsum  posse  in  mysteriis  Dei  sapere,  nisi  ipsius  -  beneficio.  Viderunt,  inquit  (Deut.  29,  2)  oculi  tui  signa  illa  portentaque  ingentia,  et  non  dedit  tibi  Dominus  cor  1)  plane  vel  exigua  saltem  eius  flamma  1550  et  seqq.