9:327  327  RESPONSUM  328  Hoc  autem  respectu  filius  ipse  subiicitur  patri  in  futuro  saeculo,  quia  ipsa  divinitatis  perfectio  tunc  nobis  erit  conspicua,  quae  nunc  in  imagine  pro  nostro  modulo  relucet.  1)  Et  tamen  Christus,  licet  raro,  Dei  mentionem  indefinitam  facit,  velut  quum  dicit,  Ioann.  4,  Deus  spiritus  est:  quod  eius  personae  non  minus  quam  patris  convenit≫  Nec  obstat  quod  mox  exprimit  nomen  patris:  quia  ubi  doctrinam  generalem  tradidit,  eandem  pro  mediatoris  officio  confirmat.  Hoc  modo  Christus  non  alium  Deum  manifestavit  quam  patrem:  quia  ipsum  ad  nos  descendere  necesse  fuit,  ut  fidem  nostram  ad  gloriam  deitatis  attolleret.  Interea  notandum  est  eius  dictum:  Creditis  in  Deum?  etiam  in  me  credite.  Quod  significat  illum  se  esse  Deum,  in  quo  acquiescere  debet  fides.  Quum  vero  legis  summam  colligit,  nomen  Dei  indefinite  ponens,  sibi  nihil  derogat:  sed  contentus  est  recepta  loquendi  forma.  Sicuti  eius  interrogatio  illa:  Quid  me  vocas  bonum?  unus  Deus  bonus  est:  non  eo  tendit,  ut  deitatis  gloriam  a  se  ipso  reiiciat:  quin  potius  alio  modo  se  bonum2)  subindicat,  quam  intellexerat  adolescens,  humanae  bonitatis  elogio  eum  honorans.  Similiter  Iudaeis  exprobrans,  quod  Deum  iactarent  esse  suum  Deum:  quia  tamen  eius  filium  respuebant,  vanitatem  eorum  refellit,  quod  mediatorem  propinquum  non  agnoscant,  quum  fallaci  nominis  Dei  obtentu  magnifice  transvolent  supra  nubes.  Paulus  10*)  prioris  ad  Corinthios  tametsi  ex  professo  Deum  unum  idolis  opponit,  non  tamen  abs  re  patrem  nominat,  ex  quo  omnia:  quia  relative  continuo  post  mediatorem  adiungit.  Sed  alibi  (Ephes.  4,  6  sq.)  unum  Deum  esse  docens,  sicut  unum  baptisma,  certe  Iehovam  unum3)  intelligit.  Et  quamvis  paulo  post  nominat  diserte  patrem,  id  facit,  quia  ad  Christum  descendere  volebat:  ideoque  adhibenda  fuit  talis  distinctio.  Nam  unitatem  Dei  et  baptismi  coniungens,  certe  Christum  non  excludit,  in  cuius  nomine  baptizamur.  Conveniunt  igitur  optime  inter  se  appellatio  Dei  simplex  ac  indefinita,4)  et  distinctio  Dei  patris  a  Christo  mediatore.  Quod  initio  Epistolarum  patrem  Deum  priore  loco  statuens  deinde  Christum  adiungit,  ex  eadem  ratione  manat:  quia  deitatem  statuit  in  patris  nomine,  deinde  mediatorem  interponit,  qui  nos  ad  Deum  erigat.  Sed  in  eadem  epistola  ubi  ita  loquutus  erat,  non  tamen  dubitat  Christum  vocare  Deum  in  saecula  benedictum  (Rom.  9,  5).  1)  nobis  relucet.  2)  se  alio  modo  esse  bonum  Edd.  *)  imo  1  Cor.  8,  5  sq.  3)  Pro  unum  Edd.  habent:  esse.  4)  definita  Edd.