7:327  327  ADVERSUS  P.  CAROLI  328  Arenarii?  l)  Cur  me  cogis  coram  tot  testibus  ac  talibus  viris  referre  te  ab  hospita  suisse  observatum,  dum  clanculum  ad  puellam  introires,  quam  ex  prostibulo  acceptam,  cognatam  esse  tuam  simulabas?  ac  scortum  maximis  clamoribus  suisse  abactum  e  sinu  tuo?  Recordarisne  quum  ad  Gervasii  conciones  haberes,  tres  pios  et  probatae  integritatis  viros,  quum  ad  te  mane  venissent  salutatum,  meretricem  in  [pag.  69]  lectulo  tuo  reperisse,  ac  ita  fuisse  offensos,  ut  te  ab  eo  tempore,  tanquam  monstrum  aliquod,  horruerint?  Recognosce  etiam  quam  multis  simul  locis  scorta  alueris,  quorum  unum  quoddam  uxoris  praetextu  occultum  habebas.  Quum  autem  mentio  de  te  incidisset  in  coetu  piorum  virorum,  patefactum  fuisse,  te  quinque  aut  sex  habere  diversis  locis  supposititias  uxores.  Quis  unquam  taurus  tam  prostitutae  fuit  libidinis  aut  lasciviae?  nunc  et  iocando  apud  talem  consessum  foeditatem  tuorum  amorum  extenua.  Quam  autem  strenuus  fueris  athleta  in  propugnando  evangelio  et  quali  ardore  aut  studio  incubueris,  quid  referam?  Una  haec  historia,  opinor,  quam  retulisti,  locupletissima  erit  testis.  Capti  erant  adolescentes  illi  ob  suspensa  quaedam  simulacra,  quo  die  papistae  panaceum  suum  idolum  gestant.  Iuvenile  quidem  et  inconsideratum  facinus,  nemo  negat.  Fateris  tamen,  quod  in  eorum  excusationem  tibi  a  quodam  dictum  fuerat,  summopere  arrisisse:  digna  fuisse  illa  simulacra  pluribus  suspendus,  quae  tot  annos  Dei  gloriam  per  sacrilegium  furata  essent;  fateris  etiam  illos  ne  levi  quidem  poena  dignos  fuisse,  qui  zelo  Dei  permoti,  magis  quam  pravo  animi  affectu,  rabiem  impiorum  in  se  accenderant.  Sed  fingamus  petulantiam  illorum  modica  aliqua  castigatione  coercendam  fuisse,  quod  fervor  aetatis  paulum  ultra  metas  eos  extulerat.  Tu  illius  loci  pastor  eras;  res  enim  gesta  [pag.  70]  est  Alenconii.2)  Idolum  circumferebatur  per  urbem  non  sine  insigni  Dei  contumelia  et  sacrosanctae  coenae  Domini  profanatione,  quod  tu  quoque  fateris:  vocasti  enim  Deum  panaceum  papistarum.  Eratne  silendi  tempus?  negabis  te  fuisse  canem  mutum,  et  aliud  idolum,  qui  ad  tantam  abominationem  tacitus  conniveres?  Quis  non  videat  iuvenes  istos  tanquam  ex  lapidibus  suscitatos  fuisse  a  Domino  ut  lapides  ipsi  perfidum  tuum  silentium  damnarent?  Saltem  hoc  tibi  in  mentem  venire  tunc  debuit:  Cur  non  ego  potius,  quod  officii  mei  erat,  in  idola  invectus  sum,  quam  ut,  me  cessante,  isti  manum  admoverent?  Sed  ne  tunc  quoque  verbulo  uno  indicasti,  quantum  tibi  idololatria,  qua  polluti  erant  omnes  tui,  displiceret.  Hoc  vero  extremae  est  nequitiae  quod  miseros  illos  1)  Hodie  dicitur:  place  de  Greve.  2)  Alencon  m  Normandia.