6:327  RESPONSIO  CONTRA  PIGHIUM  scripturae  adhaereret,  ecclesia  censeretur;  quae  ab  ea  deflecteret,  repudiaretur,  utcunque  nomine  se  venditaret.  Verbum,  inquit,  obscurum  est:  itaque  ex  ecclesiae  sensu  tota  eius  pendet  certitudo.  Atqui  putabam,  et  sic  didiceram,  prius  suo  aedificio  esse  fundamentum.  Testatur  autem  Paulus  (Eph.  2,  20),  fundatam  esse  ecclesiam  in  doctrina,  non  quam  sibi  ipsa  composuerit,  sed  apostolorum  et  prophetarum.  Excipiet  forsan,  hanc  quidem  doctrinam  priorem  esse  ecclesia,  sed  eius  sensum  in  ecclesia  esse  fundatum.  Quod  responsum  sua  absurditate  satis  per  se  refellitur.  -  Ergo  quum  statuere,  quaenam  sit  vera  ecclesia,  certo  volumus,  valeat  illa  Christi  regula  (Ioann.  10,  27):  oves  eius  esse,  quae  vocem  eius  audiant.  Proinde  sicut  columna  et  firmamentum  veritatis  ideo  est  ecclesia  (1  Tim.  3,  15),  quod  doctrinam  illam,  in  qua  fundata  est,  fideliter  custodit,  ita  non  aliam  debemus  pro  ecclesia  agnoscere,  nisi  in  qua  doctrinam  illam  reperimus.  Hoc  vinculum  est,  hic  nexus  sacri  coniugii,  quo  sibi  ecclesiam  Christus  copulavit:  quem  nexum  impio  ac  profano  divortio  abrumpere  Pighius  conatur,  dum  ecclesiam  priore  loco  constituit,  Dei  autem  doctrinam  ad  inferius  subsellium  ablegat:  et  eam  quidem,  non  sicut  a  Deo  tradita  est,  cuius  clara  et  perspicua  nobis  exstet  veritas,  sed  qualiter  hominibus  eam  exponere  libuerit.  Verum  attendant  lectores  ad  alterum  hominis  acumen  mirabile.  Nam  quum  se  initio  scripturae  testimoniis  contra  nos  acturum  proposuisset,  quum  ad  eum  locum  ventum  est,  ingeniosam  excusationem  invenit,  quo  declinet.  Quoniam  scilicet  universa  scriptura,  quanta  quanta  est,  arbitrii  libertatem  demonstrat.  Nam  quum  universa  testetur,  Deum  unicuique  pro  suis  meritis  redditurum,  universa  bene  vivendi  leges  et  praecepta  contineat,  universa  nos  hortetur  ad  virtutem,  peccata  prohibeat,  [pag.  132]  poenas  minetur,  certum  est  universam  demonstrare  liberi  arbitrii  potestatem.  Si  universam  ita  Pighius  intelligit,  quasi  in  hoc  tota  incumbat,  et  hoc  agat  unum,  nondum  prima  fidei  rudimenta  didicit.  Omittit  enim  praecipuam  et  magis  necessariam  doctrinae  partem,  quae  gratiae  promissionibus  continetur:  qua  cognita  nihil  suis  obiectionibus  efficit.  Postquam  enim  nos  in  mandatis  suis  ambulare  iussit  Deus,  facturum  se  promittit  ut  ambulemus,  hoc  est,  animum  et  pedes  nobis  daturum.  Quum  ergo  tota  lex,  praecepta  omnia,  omnes  tum  exhortationes,  tum  castigationes,  tum  minae,  ad  promissiones  nos  dirigant  et  quasi  manu  ducant,  ubi  totam  nostram  virtutem  in  nihilum  Deus  redigit,  sibi  gratiaeque  suae  omnes  bonorum  operum  partes  adbcribendo,  qui  lege  ac  praeceptis  metitur  hominis  facultates,  prima  fidei  elementa  nondum  se  tenere  prodit.  Quauquam  in  solvendo  hoc  nodo  nondum  immoror:  quia  paulo  post  locum  proprium