54:327  327  SERMON  XXVII  328  de  bonne  odeur,  et  pourtant  que  nous  devons  prendre  la  mort  en  gre,  et  surmonter  toutes  tentations.  Car  combien  que  nostre  chair  soit  debile,  toutesfois  si  nous  pouvons  bien  gouster  ce  mot-la  que  nostre  Seigneur  nous  vueille  prendre  pour  sacrifice,  afin  de  seeller  la  verite  de  son  Evangile,  ce  sera  pour  nous  faire  venir  a  bout  de  surmonter  tous  les  regrets  que  nous  pourrions  avoir.  Et  ainsi  donc  prions  Dieu  qu'il  imprime  en  nos  ames  que  faut  ce  mot  de  sacrifice,  que  s'il  advient  qu'il  nous  choisisse  et  appelle  pour  rendre  tesmoignage  de  l'Evangile,  qu'un  chacun  s'y  presente  en  son  endroit  d'un  courage  franc  et  libre,  et  que  nous  prisions  cest  honneur  que  Dieu  nous  fait,  quand  nous  sommes  dignes  de  souffrir  pour  son  nom,  comme  il  en  est  parle  au  cinquieme  des  Actes.  Or  il  y  a  d'avantage,  que  tout  ainsi  qu'un  chacun  fidele  doit  s'inciter  a  s'ofirir  a  Dieu:  aussi  que  nous  appliquions  a  la  confirmation  de  nostre  foy  la  mort  de  ceux  qui  demeurent  constans  a  maintenir  la  querelle  de  l'Evangile,  nonobstant  la  cruaute  des  meschans.  Quand  nous  voyons  les  Martyrs  que  Dieu  appelle  pour  ratifier  son  Evangile,  et  que  les  meschans  seroyent  contens  de  leur  sauver  la  vie  moyennant  qu'ils  flechissent,  et  neantmoins  qu'ils  persistent  la  constamment,  et  ne  declinent  en  facon  que  ce  soit,  ne  voila  point  une  approbation  de  la  verite  de  Dieu?  Faisons  donc  valoir  la  mort  de  ceux  qui  monstrent  que  c'est  a  bon  escient  qu'ils  ont  creu,  et  qui  ont  eu  une  foy  commune  avec  nous:  car  voila  le  fruit  qui  nous  en  est  commun.  Il  est  vray  que  les  ennemis  de  Dieu  taschent  (entant  qu'en  eux  est)  d'abolir  l'Evangile,  et  voudroyent  avoir  aboli  toute  memoire  de  nostre  Seigneur  iesus  Christ.  Voila  pourquoy  ils  sont  enflammez  en  une  telle  rage,  voila  pourquoy  ils  allument  les  feux,  qu'ils  voudroyent  avoir  consume  toute  la  doctrine  de  nostre  salut:  mais  cependant  il  fait  profiter  la  mort  des  siens  a  un  autre  usage,  tellement  que  ce  luy  est  une  semence  pour  tousiours  multiplier  le  nombre  de  son  peuple.  Il  veut  que  nous  soyons  arrousez  comme  une  terre  qui  seroit  a  demi  seche.  Quand  il  voit  qu'il  y  a  une  telle  secheresse  et  sterilite  en  nous,  que  nous  ne  porterions  point  fruict  assez  abondant,  il  nous  arrouse  du  sang  des  Martyrs.  Et  aussi  c'est  bien  raison  quand  nous  voyons  une  telle  constance  et  si  divine  aux  hommes  mortels,  que  nous  glorifions  nostre  Dieu,  et  en  le  glorifiant  que  nous  scachions  qu'il  veut  seeller  nostre  foy,  qu'il  veut  que  le  tesmoignage  que  nous  avons  desia  receu  de  son  sainct  Esprit,  soit  engrave  en  nous.  C'est  donc  en  second  lieu  ce  que  nous  avons  a  retenir  de  ce  passage.  Il  est  vray  que  nostre  foy  ne  doit  point  estre  fondee  sur  les  hommes.  Car  quand  tous  se  seroyent  revoltez,  et  que  la  crainte  auroit  domine  tellement