52:327  327  EPIST.  PAULI  AD  TIMOTHEUM  I  328  etiamsi  quis  alias  sit  pauper.  Nec  vero  Paulus  tantum  quid  plerumque  accidere  soleat,  sed  quid  perpetuo  accidere  necesse  sit  docet.  Quisquis  enim  hoc  habet  propositum  ut  ditescat,  diabolo  se  captivum  tradit.  Verissimum  est  illud  ethnici  poetae,  qui  dives  fieri  vult,  et  cito  vult  fieri.  Unde  sequitur,  omnes,  qui  feruntur  ad  divitias  expetendae,  praecipites  ruere.  Hinc  etiam  stultae  illae,  imo  insanae  cupiditates,  quae  tandem  eos  in  exitium  demergunt.  Hoc  quidem  malum  est  universale:  sed  in  ecclesiae  pastoribus  magis  conspicuum  eminet.  Ita  enim  eos  dementat  avaritia,  ut  nihil  quantumvis  absurdum  refugiant,  simulatque  auri  fulgor  vel  argenti  oculos  perstrinxit.  10.  Radix  enim  malorum.  Non  est  cur  in  aliorum  vitiorum  comparatione  nimis  scrupulose  laboremus.  Certum  est  ambitionem  ac  superbiam  saepe  deteriores  proferre  fructus:  atqui  non  provenit  ex  avaritia  ambitio.  De  libidine  venerea  idem  potest  dici:  sed  Pauli  consilium  non  fuit,  quaecunque  nominari  possint  vitiorum  species,  eas  sub  avaritia  includere.  Quid  igitur?  simpliciter  intellexit,  infinita  mala  inde  oriri.  Quemadmodum  vulgo  loquimur,  nihil  esse  malorum  quod  non  pariat  vel  discordia,  vel  gula,  vel  ebrietas,  vel  aliud  quodvis  siniile  vitium.  Et  profecto  de  scelerata  habendi  cupidine  verissime  hoc  praedicare  licet,  nullam  esse  malorum  speciem,  quaenon  ab  ea  quotidie  scaturiat:  ut  sunt  innumerae  fraudes,  fallaciae,  periuria,  circumventiones,  rapinae,  crudelitas,  corruptelae  in  iudiciis,  lites,  odia,  veneficia,  caedes:  denique  omnes  fere  nocendi  artes.  Similes  passim  sententiae  apud  profanos  scriptores  occurrunt,  Quare  improbe  faciunt  quidam,  hyperbolice  hoc  a  Paulo  dictum  insimulantes,  qui  Horatio  vel  Ovidio  applauderent  sic  loquenti.  Utinam  vero  non  comprobaret  quotidiana  experientia,  rem  ipsam  ut  est  simpliciter  fuisse  indicatam.  Sed  meminerimus  eadem  scelera,  quae  ab  avaritia  manant,  posse  etiam  vel  ab  ambitione,  vel  ab  invidia,  vel  ab  aliis  pravis  affectibus  oriri,  ut  certe  oriuntur.  Cui  addicti  quidam.  Graeca  loquutio  impropria  est,  quum  dicit,  appeti  avaritiam:  sed  quae  sensum  nihil  obscurat.  Malum  enim  omnium  atrocissimum  ab  avaritia  nasci  pronuntiat,  defectionem  a  fide.  Nam  qui  laborant  hoc  morbo,  paulatim  degenerant,  donec  abiiciant  penitus  fidem.  Hinc  dolores  illi  quos  commemorat:  quo  nomine  intelligo  dira  conscientiae  tormenta  quae  solent  desperatis  hominibus  accidere:  quamquam  aliis  quoque  praeludiis  avaros  Deus  exercet,  dum  sibi  sunt  ipsi  carnifices.  11.  Tu  vero,  o  homo  Dei,  haec  fuge:  sedare  vero  iustitiam,  pietatem,  fidem,  caritatem,  patientiam,  mansuetudinem.  12.  Certa  bonum  certamen  fidei:  apprehende  vitam  aeternam,  ad  quam  etiam  vocatus  es,  et