51:327  327  SERMON  VII  328  contraire:  ie  di  les  plus  idiots,  les  plus  maraux,  encores  voudront-ils  estre  sages  par  dessus  Dieu.  Et  d'autre  coste,  qui  est  cause  de  faire  mespriser  l'Evangile,  sinon  que  beaucoup  de  coquars  et  fantastiques  pensent  que  c'est  une  doctrine  simple,  et  qu'elle  n'a  point  des  subtilitez  assez  grandes  pour  eux?  D'autant  plus  donc  avons-nous  besoin  de  bien  ruminer  ce  qui  nous  est  ici  monstre  par  sainct  Paul,  c'est  a  scavoir,  que  ce  sont  richesses  infinies  que  de  la  gloire  de  l'heritage  auquel  Dieu  nous  a  appelez.  Car  outre  ce  que  nous  ne  sommes  que  fange  et  pourriture,  le  peche  nous  exclud  de  toute  esperance  de  salut.  Et  quand  nous  sommes  ennemis  de  Dieu,  que  pouvons-nous  attendre  de  luy  sinon  toute  confusion?  Or  cependant  il  nous  veut  faire  compagnons  des  Anges  de  Paradis,  et  encores  plus:  car  nous  sommes  faits  membres  de  nostre  Seigneur  Iesus  Christ,  a  fin  que  nous  soyons  participans  de  sa  vie  et  de  sa  gloire.  Quelles  richesses  sont  ce  la?  Quand  nous  y  appliquerons  tous  nos  sens,  ne  devons-nous  pas  estre  plus  que  confus,  voyant  que  Dieu  a  desploye  une  bonte  si  inestimable  envers  nous?  Ainsi  donc  sainct  Paul  pour  esveiller  la  stupidite  des  hommes  et  pour  redarguer  leur  ingratitude  et  la  corriger,  d'autant  qu'ils  ne  prisent  point  la  centieme  partie  qu'ils  doyvent  les  graces  de  Dieu,  monstre  que  quand  nous  y  penserons  mieux,  alors  nous  sentirons  qu'il  parle  ainsi,  a  fin  de  nous  inciter  a  prier  Dieu  qu'il  nous  illumine,  d'autant  que  sans  cela  nous  ne  serions  point  capables  d'approcher  aucunement  de  la  foy,  ne  de  toute  cognoissance.  Nous  voyons  donc  maintenant  l'intention  de  sainct  Paul,  laquelle  il  poursuit  et  continue  beaucoup  plus  en  adioustant  quelle  est  l'excellence  de  sa  vertu  en  nous  qui  avons  creu.  Et  puis,  Selon  V  efficace  de  la  force  de  sa  vertu.  Il  assemble  ici  et  entasse  beaucoup  de  mots  qui  se  rapportent  tous  a  un;  mais  c'est  comme  pour  corriger  la  malice  des  hommes,  qui  taschent  d'obscurcir  la  bonte  de  Dieu  tant  qu'ils  peuvent:  voire,  ne  la  pouvans  aneantir  du  tout,  ils  l'amoindrissent  en  sorte  qu'elle  n'apparoist  pas,  comme  s'il  y  avoit  une  estincelle  la  ou  il  y  devroit  avoir  pleine  clairte.  Or  cependant  notons,  quand  8.  Paul  met  ici  Saincts  et  croyans,  qu'il  signifie  les  fideles  que  Dieu  a  desia  appelez  a  soy  :  et  en  cela  il  monstre,  quand  nous  avons  foy,  que  toute  nostre  sainctete  procede  de  la  misericorde  de  Dieu,  et  que  les  hommes  n'y  apportent  rien  de  leur  creu.  Il  est  vray  que  ce  titre  de  Saincts,  est  bien  honorable:  mais  il  nous  faut  venir  a  la  source  de  sainctete:  car  en  nous  il  n'y  a  que  pollution.  Il  faut  que  les  enfans  de  Dieu  soyent  sanctifiez:  mais  il  faut  regarder  dont  ils  ont  cela,  s'ils  ^acquierent  de  leur  industrie,  ou  si  Dieu  leur  donne.  Sainct  Paul  donc  monstre  ici  que  la  louange  en