50:327  327  SERMONS  328  stre  qu'un  chacun  se  doit  despouiller  de  toutes  affections  charnelles,  pour  estre  vrais  disciples  de  nostre  Seigneur  Iesus  Christ.  Car  cependant  que  nous  suyvrons  nos  appetis,  la  porte  sera  fermee,  iamais  nous  n'aurons  entree  a  l'Evangile.  Et  de  faict  nous  voyons  comme  le  Prophete  Isaie  en  parle,  car  il  dit  que  tous  ceux  qui  veulent  qu'on  leur  presche  ce  qui  leur  vient  a  gre,  dechassent  Dieu  tant  loin  qu'ils  peuvent.  Vray  est  qu'on  ne  parlera  pas  ainsi.  Car  mesmes  au  pays  de  Iudee  chacun  protestoit  de  servir  au  Dieu  qui  s'estoit  revele  a  leur  pere  Abraham,  qui  avoit  publie  sa  Loy  par  Moyse:  les  sacrifices  se  faisoyent  au  temple,  il  y  avoit  la  assez  belle  parade:  mais  le  Prophete  conclud  en  un  mot,  que  les  hommes  veulent  qu'on  leur  complaise,  et  qu'on  leur  gratifie,  et  que  par  ce  moyen  ils  ne  peuvent  souffrir  que  Dieu  les  conduise,  ne  qu'il  ait  liberte  de  leur  mettre  son  ioug  sur  le  col.  Voila  donc  comme  nous  devons  estre  preparez  a  recevoir  la  doctrine  de  l'Evangile  et  estre  edifiez  par  icelle,  c'est  a  scavoir  que  nous  ne  soyons  point  adonnez  a  nos  appetis  propres:  mais  que  nous  souffrions  que  nostre  Seigneur  Iesus  Christ  parle  comme  il  nous  est  expedient  pour  nostre  instruction.  Or  cependant  il  faut  que  nous  soyons  comme  navrez  iusques  au  coeur  par  la  Parole  qui  nous  est  preschee,  ou  iamais  nous  n'y  profiterons.  Car  ce  n'est  point  sans  cause  que  l'Evangile  est  accompare  a  un  glaive  tranchant  (comme  nous  en  avons  traitte  ce  matin)  et  il  faut  bien  que  nous  soyons  vrais  sacrifices  pour  renoncer  a  tous  nos  appetis,  et  a  ce  que  Dieu  condamne,  et  que  nous  souffrions  cela  patiemment  a  fin  d'estre  reduits  du  tout  a  l'obeissance  de  sa  volonte.  Or  cependant  il  nous  doit  aussi  souvenir  de  ce  qui  a  este  traitte,  c'est  a  scavoir  qu'il  faut  que  les  hommes  se  rengent  tous,  et  grans  et  petis,  et  que  le  Fils  de  Dieu  ait  sa  preeminence  et  maistrise,  en  sorte  qu'il  n'y  ait  que  luy  seul  Pasteur,  et  que  nous  soyons  tous  ses  brebis.  Vray  est  que  ceux  qui  ont  la  charge  d'annoncer  l'Evangile,  seront  bien  appelez  Pasteurs:  mais  ce  n'est  pas  qu'en  leur  nom  et  authorite  ils  puissent  rien,  ou  que  cela  derogue  a  la  superiorite  du  Fils  de  Dieu.  Car  moy  qui  parle  maintenant,  ie  ne  doy  rien  apporter  du  mien,  et  ne  doy  pas  aussi  m'eslever  par  dessus  les  autres:  car  ie  parle  tellement  a  toute  la  compagnie,  qu'il  faut  que  ceste  doctrine  s'adresse  a  moy  en  premier  lieu,  et  qu'elle  domine  par  dessus  tous  sans  exception  aucune.  Car  il  n'y  a  hautesse  en  ce  monde  qui  se  puisse  exempter  de  ceste  subietion,  laquelle  nous  devons  tous  au  Fils  de  Dieu:  comme  nous  avons  veu  par  ci-devant,  que  le  propre  de  l'Evangile  (s'est  d'humilier  toute  gloire  du  monde,  que  les  hommes  ne  presument  point  de  lever  les  cornes,  ne  de  se  rien  attribuer:  mais  ceux  qui  cui-