49:327  327  EPIST.  PAULI  AD  CORINTHIOS  I  328  suis  cogitationibus  :  ita  lux  in  tenebris  lucet.  Sequitur  ergo,  non  ita  mera  ignorantia  errare  homines  quin  et  contemptus,  et  negligentiae,  et  ingratitudinis  sint  rei.  Ut  impleatur  illud,  Deum  omnes  novisse,  non  tamen  dedisse  illi  gloriam:  rursum,  neminem  unquam  natura  duce  eo  usque  esse  progressum  ut  Deum  cognosceret.  Si  quis  philosophos  obiiciat:  respondeo,  in  ipsis  potissimum  exstare  insigne  huiu9  nostrae  imbecillitatis  documentum.  Nemo  enim  illorum  reperietur  qui  non  ex  illo  cognitionis  principio  quod  dixi,  protinus  ad  vagas  et  erroneas  speculationes  delapsus  sit.  Bona  autem  ex  parte  plus  quam  aniliter  delirant.  Quod  dicit,  salvos  fieri  credentes,  superiori  sententiae  respondet,  evangelium  esse  Dei  potentiam  in  salutem.  Et  credentes,  quorum  exiguus  numerus  est,  caeco  et  stupido  mundo  opponens,  admonet  eorum  paucitate  nos  perperam  offendi,  quum  in  salutem  divinitus  segregati  fuerint.  22.  Siquidem  et  Iudaei  signum.  Exegesis  prioris  sententiae:  nempe  qualiter  evangelii  praedicatio  stultitia  reputetur.  Quamquam  non  tantum  explicat,  sed  etiam  auget,  quum  'Iudaeos  non  tantum  contemnere,  sed  abominari  etiam  evangelium  dicit.  Iudaei,  inquit,  miraculis  volunt  habere  ob  oculos  divinae  potentiae  testimonium  :  Graeci  amant  quae  commendatione  acuminis  arrideant  humano  ingenio.  Nos  vero  Christum  crucifixum  praedicamus,  in  quo  nihil  quam  imbecillitas,  prima  specie,  et  stultitia  apparet.  Iudaeis  igitur  offendiculo  est,  quum  eum  tamquam  a  Deo  derelictum  adspiciunt:  Graecis  instar  fabulae  est,  audire  talem  fuisse  redemptionis  modum.  G  r  a  e  c  o  r  um  nomine  non  gentes  hic  simpliciter  (meo  iudicio)  significat  :  sed  eos  notat,  qui  liberalibus  doctrinis  erant  expoliti,  vel  altiore  intelligentia  pollebant.  Quamquam  per  synecdochen  alii  quoque  omnes  deinde  comprehenduntur.  Inter  Iudaeos  porro  et  Graecos  sic  distinguit,  quod  illi,  quum  praepostero  legis  zelo  in  Christum  impingerent,  plena  rabie  insaniebant  adversus  evangelium  (quemadmodum  solent  hypocritae,  dum  pro  suis  superstitionibus  decertant),  Graeci  autem  fastu  inflati  tanquam  insipidum  contemptui  habebant.  Quod  Iudaeis  vitio  tribuit  signorum  appetentiam,  non  ideo  est  quia  signa  postulare  sit  per  se  malum:  sed  eorum  improbitatem  notat,  quod  miracula  subinde  flagitando  Deum  quodammodo  in  suas  leges  adigerent:  quod  pro  crassa  sua  apprehensione  ipsum  quasi  palpare  vellent  in  miraculis  evidentibus:  quod  in  miraculis  ipsis  defixi  obstupescerent:  quod  denique  nulla  illis  sufficerent  miracula,  sed  novis  quotidie  absque  fine  inhiarent.  Neque  enim  reprehenditur  Ezechias,  quod  signo  libenter  passus  fuerit  se  confirmari.  Ac  ne  Gedeon  quidem,  quod  duplex  signum  petierit.  Quin  potius  damnatur  Achas,  quod  oblatum  sibi  a  propheta  signum  recusarit.  Quid  ergo  peccabant  Iudaei  miracula  petendo?  nempe  quia  neque  in  bonum