41:327  327  SERMON  L  328  blaspheme?  Ils  appellent  la  messe  Service  de  Dieu,  et  nous  scavons  que  c'est  une  abomination  diabolique.  Nous  scavons  que  la  mort  de  nostre  Seigneur  Iesus  Christ  est  la  renoncee,  que  tout  le  vray  Service  de  Dieu  y  est  renverse,  voire  obscurci  et  aneanti  du  tout,  bref,  tout  cela  s'adresse  aux  idoles,  et  aussi  Dieu  n'en  accepte  rien,  mais  il  le  reiette  comme  ordure  et  puantise,  et  l'ha  en  abomination.  Il  est  vray  (comme  i'ay  desia  dit)  qu'il  y  aura  de  grandes  pompes  en  tout  leur  fait,  qu'un  chacun  en  sera  ravi  en  admiration,  qu'il  faudra  qu'un  Evesque  soit  revestu  et  desguise  comme  s'il  vouloit  faire  un  grand  cas,  s'il  veut  seulement  benir  un  calice,  il  semblera  qu'il  vueille  creer  un  monde  tout  nouveau:  Et  quand  tout  sera  fait,  que  sera-ce  autre  chose  qu'un  calice?  Qu'on  le  porte  en  la  bouticque  d'un  Orfevre,  et  un  coup  de  marteau  en  fera  la  raison,  voila  la  consecration  prophanee.  Nous  voions  donc  maintenant  combien  toutes  leurs  ceremonies  sont  frivoles,  et  puis  il  nous  faut  venir  a,  ce  poinct  principal,  c'est  que  tout  le  mesnage  qu'ont  les  Papistes  en  leurs  temples,  n'est  pas  pour  servir  a  Dieu,  mais  aux  idoles:  qu'il  n'y  ha  que  corruption  et  ordure  en  tout  leur  fait,  et  pourtant  faut-il  que  le  tout  soit  prophane.  Trai  est  cependant,  qu'on  devroit  appliquer  cela  a  bon  usage  et  legitime,  car  de  dire  que  les  calices  soient  a  l'abandon,  ny  les  chappes  et  autres  choses  semblables,  il  n'y  auroit  nul  ^propos  et  equite.  Ainsi  donc,  d'autant  que  ceux  qui  ont  donne  ces  choses  au  temple  ont  cuide  servir  a  Dieu,  et  ont  este  abuses:  maintenant  il  faudroit  appliquer  ces  choses  qui  ont  este  prophanees  a  tel  usage  que  Dieu  en  fust  servi  et  honore,  comme  en  aumosnes  et  choses  semblables  :  Que  l'Eglise  fust  maintenue  en  bon  estat,  que  la  parole  de  Dieu  se  preschast  purement,  Voila  comme  il  faudroit  consacrer  toutes  ces  choses  qui  avoient  este  dediees  au  diable  auparavant,  au  lieu  de  servir  a  Dieu.  Or  cependant  c'estoit  une  grande  tentation  pour  les  pauvres  fideles  quand  ils  voioient  Dieu  estre  ainsi  moque.  Et  d'autre  part  nous  voions  la  grande  bonte  de  Dieu,  en  ce  qu'il  souffre  que  les  vaisseaus  du  temple  soient  transportes,  c'est  comme  une  depouille  qui  est  faite  de  luy  :  car  quand  Nabuchodonozor  emporte  les  vaisseaus,  c'est  autant  comme  s'il  eust  voulu  aneantir  le  Dieu  qui  estoit  adore  en  Ierusalem.  Nous  voions  donc  que  ce  n'est  point  sans  cause  que  l'escriture  le  nomme  de  longue  attente,  car  du  premier  coup  il  ne  se  venge  pas,  mais  quand  il  dissimule,  ce  n'est  pourtant  qu'il  oublie  les  iniquites  qui  se  commettent,  mais  il  scait  le  temps  propre,  pour  punir  ceux  qui  abusent  de  sa  patience:  et  de  fait,  ils  augmentent  leur  punition,  et  agravent  leurs  peches  de  plus  en  plus,  quand  ils  s'esgaient  cependant  que  Dieu  est  patient  et  benin:  cependant  qu'il  differe  la  punition,  si  les