20:327  327  EPISTOLAE  4124.4125  328  4124.  LASICIUS  O  BULLINGERO.  Vindicat  se  a  crimine  heterodoxiae  in  quod  incurrit  propter  suam  cum  Castellione  amicitiam,  cuius  quidem  probitatem  et  nunc  praedicat,  errores  si  qui  fuerint  semper  detestatus  est.  (Ex  autographo  Arch.  Turic.  Plut.  VI.  Vol.  168,  olim  Epp.  Tom.  25,  fol.  259.  Bullingerus  adscripsit:  lo*  Lasicii  Poloni  literae  de  Castalione  ei  mea  responsio.  13.  Iul  1564.  .  Simler.  Vol.  109.)  Yigilantissimo  ecclesiae  Tigurinae  pastori  viro  clarissimo  D.  Henricho  Bullingero.  S.  p.  Audio  me  apud  te,  doctissimo  Bullingere,  a  quodam  adversario  graviter  esse  accusatum.  Ego  vero  te  per  eam  quam  multos  iam  annos  docuisti  aequitatem  etiam  atque  etiam  oro,  ne  me  talem  esse  putes  qualem  tibi  persuasit  accusator.  Sic  dilexeram  Castalionem  ut  tamen  eius  errores,  si  qui  erant,  non  dilexerim.  Probitas  atque  singularis  illius  hominis  integritas  mihi  cara  fuit.  Quibus  virtutibus  si  quid  vitii  adiunctum  erat,  uti  fit,  plane  totum  oderam.  Quam  autem  pie  de  omnibus  christianae  religionis  capitibus  sentiam,  testis  esse  poterit,  quum  totus  nostrorum  hominum  qui  istic  est  coetus,  tum  vero  praecipue  mihi  amicissimus  in  Domino  frater  B.  Christophorus  Trecius,2)  quocum  crebris  literis  de  statu  nostrarum  ecclesiarum  disserere  soleo.  Tamen  si  accusatori  potius  incerta  pro  certis  asserenti  quam  mihi  omnia  eiusmodi  ficta  crimina  neganti  credere  malles,  hoc  quidem  tibi  summae  prudentiae  viro  licet,  verum  ego  haud  mediocri  gravabor  iniuria.  Bene  vale,  vir  doctissimo,  et  me  tui  studiosum  complectere.  Genevae  27.  Iunii  1564.  Tuae  dignitatis  studiosissimus  Ioannes  Lasicius.  4124.1)  De  hoc  Polono  nihil  aliunde  rescivimus.  Videtur  Basileae,  Turici  et  nunc  Genevae  studiis  operam  navasse.  Familiaris  fuisse  videtur  eorum  Polonorum  qui  Castellionis  memoriam  tum  epitaphio  posito  tum  liberis  eius  prospicientes  coluere.  2)  nunc  scholae  Cracoviensis  rector.