1:327  INSTITUTIO  REL,  CHRIST.  1539  .  1554.  in  vita  humana  praestantissimae,  cognitio  per  spiritum  Dei  communicari  nobis  dicatur.  Neque  est  cur  roget  quispiam,  quidnam  cum  spiritu  commercii  impiis,  qui  sunt  a  Deo  prorsus  alieni?  Nam  quod  dicitur  spiritus  Dei  in  solis  fidelibus  habitare,  id  intelligendum  de  spiritu  sanctificationis,  per  quem  Deo  ipsi  in  templa  consecramur.  Neque  tamen  ideo  minus  replet,  movet,  vegetat  omnia  eiusdem  spiritus  virtute,  idque  secundum  uniuscuiusque  generis  proprietatem,  quam  ei  creationis  lege  attribuit.  Quod  si  nos  Dominus,  impiorum  opera  et  ministerio,  in  physicis,  dialecticis,  mathematicis  et  reliquis  id  genus,  voluit  adiutos,  ea  utamur;  ne  si  Dei  dona  ultro  in  ipsis  oblata  negligamus,  demus  iustas  ignaviae  nostrae  poenas.  At  vero  ne  quis  hominem  valde  beatum  putet,  quum  sub  elementis  huius  mundi  tanta  veritatis  comprehendendae  energia  illi  conceditur;  simul  addendum  est,  totam  istam  et  intelligendi  vim  et  intelligentiam,  quae  inde  consequitur,  rem  esse  fluxam  et  evanidam  coram  Domino,  ubi  non  subest  solidum  veritatis  fundamentum.  Verissime  enim  Augustinus,  cui  subscribere  coactus  est  Magister  sententiarum:  1)  ut  gratuita  homini  dona  post  lapsum  detracta  esse,  ita  naturalia  haec,  quae  restabant,  corrupta  fuisse  docet;  non  quod  per  se  inquinari  possint,  quatenus  a  Deo  proficiscuntur,  sed  quia  polluto  homini  pura  esse  desierunt,  ne  quam  inde  laudem  consequatur.  37.  Nunc  exponendum  est  quid  cernat  humana  ratio,  ubi  ad  regnum  Dei  ventum  fuerit,  et  spiritualem  illam  perspicientiam,  quae  tribus  potissimum  rebus  constat,  Deum  nosse,  eius  erga  nos  voluntatem,  et  formandae  secundum  illam  vitae  rationem.  Cum  in  primis  duobus,  tum  vero  in  secundo  proprie,  qui  sunt  hominum  ingeniosissimi,  talpis  sunt  caeciores.  Equidem  non  inficior,  sparsim  quaedam  apud  philosophos  de  Deo  haberi  scite  et  apposite  dicta,  sed  quae  vertiginosam  quandam  imaginationem  semper  resipiant.  Praebuit  quidem  illis  Dominus,  ut  supra  dictum  est,  exiguum  divinitatis  suae  gustum,  ne  ignorantiam  impietati  obtenderent,  et  eos  interdum  ad  dicenda  nonnulla  impulit,  quorum  confessione  ipsi  convincantur;  sed  ita  viderunt  quae  videbant,  ut  tali  intuitu  minime  ad  veritatem  dirigerentur,  nedum  pertingerent.  Qualiter  nocturni  fulgetri  coruscationem,  qui  in  medio  agro  est,  2)  longe  lateque  ad  momentum  videt,  sed  adeo  evanido  aspectu,  ut  ante  noctis  caligine  resorbeatur,  quam  pedem  movere  queat;  tantum  abest  ut  in  viam  tali  subsidio  deducatur.  Praeterea  illae  veritatis  guttulae,  quibus  libros  tanquam  fortuito  aspergunt,  quot  et  quam  portentosis  mendaciis  sunt  inquinatae  ?  Denique  illam  divinae  erga  nos  voluntatis  certitu-  1)  Lib.  2.  dist.  25.  2)  add.  viator  1550  et  seqq