9:326  Nomen  vero  personae  dum  Christo  ascribitur,,  bifariam  dici  potest.  Nam  et  sermo  ex  patre  genitus  ante  mundi  creationem,  persona  est  in  aeterna  essentia  Dei.  Et  quemadmodum  unus  est  Christus  Deus  in  carne  manifestatus:  ita  duae  naturae  sic  unitae  personam  unam  constituunt.  Ideoque  aliud  est  loqui  de  aeterna  Dei  sapientia  antequam  indueret  carnem,  vel  de  mediatore  ex  qu≫  in  carne  patefactus  est.  In  hanc  mediatoris  personam  proprie  competit  nomen  Domini,  quatenus  medium  gradum  statuit  inter  Deum  et  nos.  Quo  pertinet  illud  Pauli:  Unus  Deus  ex  quo  omnia,  et  unus  Dominus  per  quem  omnia.  Eodem  sensu  illud  accipitur:  Pater  maior  me  est  :  et  quae  alia  de  mediatore  leguntur  l)  apud  Ioannem.  Caeterum  ubi  simpliciter  Christus  vocatur  Deus,  et  non  opponitur  nomen  patris,  solida  Dei  essentia  comprehenditur.  Sicuti  quum  dicitur  Ioann.  1.  cap.:  Sermo  ille  crat  Deus,  tenenda  est  essentiae  unitas.  Similiter  ubi  Paulus  dicit,  Deum  esse  benedictum  in  saecula:  non  alium  Deum  fas  est  imaginari,  quam  illum  qui  per  Mosen  asseruit,  se  unicum  et  solum  esse:  et  qui  per  Isaiam  iuravit,  se  non  daturum  alteri  suam  gloriam.  Ideo  Ioannes  non  contentus  Dei  nomine,  expressius  loquitur  in  fine  canonicae  Epistolae:  Hic  est  verus  Deus  et  vita  aeterna.  Quod  nomen  Iehovae  indefinite  sumptum  in  Christum  competat,  patet  etiam  ex  Pauli  verbis:  Propterea  ter  rogavi  Dominum  *  quia  subiicit  paulo  post:  ut  inhabitet  in  me  virtus  Christi.  Quod  autem  Christus,  ubi  de  patre  loquitur,  Dei  nomine  ipsum  insignit,  non  mirum  est:  quia  expendere  convenit  quam  personam  sustineat.  Quatenus  enim  mediator  est,  officii  sui  respectu  se  inferiore  gradu  locat,  ut  nos  paulatim  ad  patrem  ducat.  1)  dicuntur.  21*